جاس عالىمدار كوبەيدى

عىلىم جانە جوعارى ءبىلىم مينيسترلىگىنىڭ دەرەگىنشە, بيىل ما­گيستراتۋراعا ءتۇسۋ ءۇشىن كەشەندى تەستىلەۋگە 51 مىڭنان استام ءوتىنىش تۇسكەن. بۇل وتكەن جىلمەن سالىستىرعاندا 9,5 مىڭعا ارتىق. سىناققا قاتىسقان 47 798 ۇمىتكەردىڭ جارتىسىنا جۋىعى, ياعني 23 065 تالاپكەر شەكتى ۇپاي جيناعان. ورتاشا كورسەتكىش تە جوعارىلاپ, كت-نىڭ ورتاشا بالى 72,9-عا جەتكەن.

ماگيستراتۋراعا 13 554 مەم­­لەكەتتىك گرانت بولىنگەن. ونىڭ ىشىندە ينجەنەرلىك-تەحني­كالىق باعىتتارعا – 3 338, پەدا­گوگيكالىق عىلىمدارعا – 3 225, اقپاراتتىق-كوممۋني­كاتسيالىق تەحنولوگيالارعا – 1 315, جاراتىلىستانۋ عىلىم­دارىنا 1 268 گرانت قاراس­تىرىلعان.

بيىل دوكتورانتۋراعا قى­زىعۋشىلىق تا ايتارلىقتاي وسكەن. قابىلداۋ سىناقتارىنا 4 307 ادام قاتىسىپ, ولاردىڭ 3 146-سى ءبىلىم الۋعا مۇم­كىندىك ال­عان. 2025–2026 وقۋ جىلىنا 2 919 مەم­­لەكەتتىك گرانت ءبو­لىندى. ونىڭ ىشىندە پەداگو­گيكالىق عى­لىمدارعا – 486, ين­جەنەرلىك جانە قۇرىلىس سالالارىنا – 615, اقپاراتتىق-كوممۋنيكاتسيالىق تەحنو­لوگيالارعا 161 گرانت بولىنگەن.

عىلىم جانە جوعارى ءبىلىم مينيسترلىگىنىڭ مالىمەتىنشە, قازىر دوكتورانتۋراعا قابىلداۋ ءراسىمى تولىقتاي جوعارى وقۋ ورىندارىنىڭ قۇزىرەتىندە. بۇل ۋنيۆەرسيتەتتەردىڭ اكادە­ميالىق دەربەستىگىن ارتتىرىپ, عىلىمي كادرلار دايارلاۋدىڭ ساپاسىن جاقسارتۋعا مۇمكىندىك بەرەدى.