فوتولار: سۋ رەسۋرستارى جانە يرريگاتسيا مينيسترلىگى
اتالعان ءىس-شارا بۇۇ-نىڭ ەۋروپالىق ەكونوميكالىق كوميسسياسىنىڭ, ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ەقىۇ), گەرمانيا ۇكىمەتىنىڭ حالىقارالىق كليماتتىق باستاماسى اياسىندا مەملەكەتارالىق سۋ شارۋاشىلىعىن ۇيلەستىرۋ كوميسسياسى (مسشۇك) عىلىمي-اقپاراتتىق ورتالىعىنىڭ, سونداي-اق حالىقارالىق سۋ رەسۋرستارىن باعالاۋ ورتالىعىنىڭ قولداۋىمەن ۇيىمداستىرىلعان.
سالا مينيسترلىگىنىڭ مالىمەتىنشە سەمينار باعدارلاماسى ءتورت نەگىزگى باعىتتان تۇرادى: مەملەكەتتىك باسقارۋ جانە ستراتەگيالىق جوسپارلاۋ; سۋ نىساندارىن قورعاۋ جانە سۋ كودەكسىنىڭ سالالار بويىنشا قولدانىلۋى; سونداي-اق ەلدى مەكەندەردەگى سۋمەن جابدىقتاۋ مەن سۋ بۇرۋ ماسەلەلەرىنە ارنالعان ءبولىم. بۇل تاقىرىپتى قر-نىڭ ونەركاسىپ جانە قۇرىلىس مينيسترلىگىنىڭ ماماندارى قارايدى.
ەقىۇ-نىڭ استاناداعى باعدارلامالار ءوفيسىنىڭ سۋ رەسۋرستارى جانە توتەنشە جاعدايلار جونىندەگى مامانى نيعميات نۇرتازانىڭ ايتۋىنشا ەقىۇ-نىڭ استاناداعى باعدارلامالار ءوفيسىنىڭ نەگىزگى باعىتتارىنىڭ ءبىرى – ەلىمىزدىڭ سۋ رەسۋرستارىن ءبىرتۇتاس باسقارۋ جۇيەسىن دامىتۋ.
«وسى ماقساتتا ءبىز جاڭا سۋ كودەكسىن ازىرلەۋ بارىسىندا تەحنيكالىق قولداۋ كورسەتتىك. ەقىۇ سۋ رەسۋرستارى جانە يرريگاتسيا مينيسترلىگىنىڭ باستامالارىن تولىقتاي قولدايدى. كودەكستى بەيىمدەۋ, ءتۇسىندىرۋ جانە ونى تاجىريبەدە ءتيىمدى قولدانۋ ىسىنە بىرلەسە اتسالىسىپ كەلەمىز. بۇگىنگى سەمينار وسى ىنتىماقتاستىقتىڭ ايقىن كورىنىسى. سونىمەن قاتار وفيس سۋ رەسۋرستارىن ءبىرتۇتاس باسقارۋ سالاسىندا بىرنەشە جوبانى جۇزەگە اسىرىپ جاتىر. ءبىزدىڭ باستى ماقساتىمىز – باسسەين ينسپەكتسيالارى مەن باسسەين كەڭەستەرىنىڭ وسى پروتسەسكە بەلسەندى قاتىسۋىن كۇشەيتۋ. ويتكەنى ءدال وسى قۇرىلىمدار سۋ رەسۋرستارىن ءتيىمدى باسقارۋدىڭ نەگىزگى ورىنداۋشىلارى», دەدى ن.نۇرتازا.
ەسىل باسسەين ينسپەكتسياسى باسشىسىنىڭ ورىنباسارى گۇلدەن يسماگۋلوۆانىڭ سوزىنشە جاڭا سۋ زاڭناماسى ەنگىزىلگەننەن كەيىن, باسسەين ينسپەكتسيالارىندا, ياعني بىزدە كوپ سۇراق تۋىنداپ وتىر, ويتكەنى كودەكستە جاڭا باپتار مەن جاڭا ۇعىمدار بار.
«وسى ماسەلەلەردى تالقىلايتىن سەمينار ۇيىمداستىرىلعانىنا قۋانىشتىمىز. ءىس-شارانىڭ نەگىزگى ماقساتى – سۋ سالاسىنىڭ تۇراقتى دامۋىن جانە سۋ قاۋىپسىزدىگىن قامتاماسىز ەتۋگە باعىتتالعان جاڭا سۋ زاڭناماسىن ءتۇسىندىرۋ», دەدى گ.يسماگۋلوۆا.
