فوتو: Ellington تۋريستىك اۋدانى ماكەتى/ ۇكىمەتتىڭ ءباسپاسوز قىزمەتى
«قالادا ەڭ ۇلكەن ساۋدا ويىن-ساۋىق ورتالىعى سالىنىپ جاتىر. ول جەردە اكۆاپارك بولادى. قۇرىلىسى 2-3 جىلدا اياقتالادى دەپ جوسپارلانعان. شەتەلدىك كومپانيا ءوز قاراجاتىنا سالىپ جاتىر, بيۋدجەتتەن اقشا بولىنبەگەن. اكىمدىك تاراپىنان سۋ جانە كارىز ينفراقۇرىلىمىن تارتۋ بويىنشا كومەك كورسەتىلەدى», دەدى ول.
بۇعان دەيىن استانا اكىمدىگى مەن «Ellington Group KAZ» Ltd كومپانياسى اراسىندا كوپفۋنكتسيونالدى تۋريستىك اۋدان قۇرۋ تۋرالى ينۆەستيتسيالىق جوباعا بايلانىستى مەموراندۋمعا قول قويىلعان. جوبانىڭ جالپى قۇنى شامامەن 1 ملرد دوللاردى قۇرايدى.
ۇكىمەتتىڭ مالىمەتىنشە, كەشەننىڭ جالپى اۋماعى 2,6 ملن شارشى مەتر, ال قوسىمشا قۇرىلىس ايماعى 333 گەكتاردى قامتيدى. مۇندا اۋماعى 15 مىڭ شارشى مەتر بولاتىن اكۆاپارك, ويىن, دەمالىس ايماقتارى, ساياباقتار, تەرراسالار, كەڭسە جانە كوممەرتسيالىق نىساندار, قوناقۇيلەر, الەۋمەتتىك جانە تۇرعىن ۇيلەر سالۋ كوزدەلگەن.
