باياندامانى پرەمەر-ءمينيستردىڭ ءبىرىنشى ورىنباسارى رومان سكليار ۇسىندى. ونىڭ ايتۋىنشا, وڭىرلەردىڭ باسىم بولىگىندە جىلۋ بەرۋ ماۋسىمى ۋاقتىلى باستالدى. رەسپۋبليكانىڭ وڭتۇستىگىندە جىلۋ بەكىتىلگەن كەستەگە جانە اۋا رايىنىڭ جاعدايىنا سايكەس بەرىلۋدە. وتكەن ۇكىمەت وتىرىسىنان بەرى 1 ەنەرگوبلوك, 10 قازاندىق, 12 تۋربينا, 29 شاقىرىم جىلۋ جەلىسى, 828 ەلەكتر جەلىسى مەن 16 قوسالقى ستانسا جوندەۋدەن وتكەن.
پرەمەر-مينيستر ءوڭىر اكىمدەرىنە جىلۋ بەرۋ پروتسەسىن باقىلاۋدا ۇستاۋدى جانە حالىقتىڭ كومىرمەن قامتاماسىز ەتىلۋىن ەرەكشە نازاردا ۇستاۋدى تاپسىردى.
«جىلۋ كوزدەرىندەگى بارلىق جوسپارلى پارامەتردىڭ ساقتالۋىن, وتىننىڭ نورماتيۆتىك قورىن قاداعالاپ وتىرۋ قاجەت. رەزەرۆتىك جابدىقتاردىڭ ازىرلىگىن قامتاماسىز ەتىڭىزدەر. كوممۋنالدىق قىزمەتتەردىڭ جوندەۋ بريگادالارى كەز كەلگەن جاعدايعا شۇعىل ارەكەت ەتۋگە ءتيىس. سونداي-اق حالىققا ارنالعان كومىر باعاسىنىڭ تۇراقتى بولۋىن دا باقىلاۋدا ۇستاۋ قاجەت», دەدى ولجاس بەكتەنوۆ.
بۇل باعىتتاعى باقىلاۋ مەن ۇيلەستىرۋ پرەمەر-ءمينيستردىڭ ءبىرىنشى ورىنباسارى رومان سكليارعا جۇكتەلدى.
