فوتو: اشىق دەرەككوز
پرەمەر-مينيستر كەدەندىك اكىمشىلەندىرۋدىڭ جان-جاقتى ءارى اشىق بولۋى رەسپۋبليكالىق بيۋدجەت كىرىستەرىنىڭ كولەمىنە ايتارلىقتاي اسەر ەتەتىنىن اتاپ ءوتتى. سوندىقتان قارجى جانە ساۋدا مينيسترلىكتەرى ەكسپورتتىق جانە يمپورتتىق وپەراتسيالارعا مونيتورينگ جاساۋدى كۇشەيتۋى قاجەت.
«تاۋەكەلدەر بەيىنىن جاڭارتىپ, جۇك تاسىمالدارىن “جاسىل ءدالىز” قاعيداتى بويىنشا ترانزيتتەۋ ءۇشىن جاعداي جاساۋ ادامي فاكتوردىڭ الدىن الۋى ءتيىس. جۇكتەردى تەكسەرۋ دەرەكتەرىن تالداۋ كەزىندە جاساندى ينتەللەكتىنى ەنگىزۋ قاجەت.
بۇل سىبايلاس جەمقورلىقتىڭ جولىن كەسۋگە ءارى شەكارادان ءوتۋ پروتسەستەرىن جەدەلدەتۋگە مۇمكىندىك بەرەدى», دەپ اتاپ ءوتتى ولجاس بەكتەنوۆ.
قارجى مينيسترلىگىنە قارجىلىق مونيتورينگ اگەنتتىگىمەن بىرلەسىپ, كولەڭكەلى ەكونوميكاعا قارسى ءىس-قيمىلدى ۇيلەستىرۋ جۇمىسىن كۇشەيتۋ تاپسىرىلدى.
