سپورتشى ءوز جازباسىن جەكسەنبى, 5 قازاندا ح (بۇرىنعى Twitter) الەۋمەتتىك جەلىسىندە جاريالادى.
«كۇن سايىن بار كۇشىمدى جاتتىعۋعا جۇمساپ جاتىرمىن. جاقىندا وكتاگونعا قايتا ورالامىن, شىدامىم تاۋسىلىپ بارادى», – دەپ جازدى راحمونوۆ.
بۇعان دەيىن الەۋمەتتىك جەلىلەر مەن باق-تا راحمونوۆ جاراقات الىپ, UFC-دەگى مانسابىمەن قوش ايتىسادى دەگەن اقپارات تاراعان بولاتىن.
اعىلشىنتىلدى Twitter-دە تاراعان حابارلامالاردا سپورتشىنىڭ تىزەسىنەن جاراقات الىپ, الداعى ايلاردا وكتاگونعا قايتا ورالا المايتىنى ايتىلدى. ال رەسەيلىك MMA قاۋىمداستىعىندا ودان دا داۋلى مالىمدەمە جاسالىپ, راحمونوۆ Aقش پروموۋشەنىندە ەندى ونەر كورسەتپەيدى دەگەن اقپارات تارادى.
الايدا ءبىراز ۋاقىت وتكەن سوڭ راحمونوۆ جاتتىعاتىن Dar Team كومانداسىنىڭ الەۋمەتتىك جەلىسىندە سپورتشىنىڭ جاتتىعۋ ۇستىندەگى بىرنەشە فوتو جانە ۆيدەو جاريالاندى, وندا ول جاراقات العان ادامعا ۇقسامايدى.
Tengri Sport ءتىلشىسى راحمونوۆتىڭ جاتتىقتىرۋشىسى ەدۋارد بازروۆتان پىكىر الدى. ول شاكىرتىنىڭ قازىرگى جاعدايى تۋرالى ناقتى اقپارات جوق ەكەنىن ايتتى.
ال Vesti.kz سايتىنىڭ ساۋالىنا راحمونوۆتىڭ مەنەدجەرى سايات ابدراحمانوۆ: «بۇل اقپارات شىندىققا جاناسپايدى», – دەپ مالىمدەدى.
