قارجى مونيتورينگى اگەنتتىگىنىڭ تسيفرلىق اكتيۆتەردى زاڭسىز وندىرۋگە قارسى جۇيەلى جۇمىستار جۇرگىزۋىنىڭ ناتيجەسىندە. 2024 جىلدىڭ باسىنان بەرى جالپى 1,3 ملرد تەڭگەگە زالال كەلتىرگەن 17 قىلمىستىق ءىس تىركەلگەن. ەڭ ءجيى انىقتالعان زاڭسىز ماينينگ فەرمالارى استانا قالاسىندا (6), شىمكەنت پەن قوستانايدا (3 جاعدايدان) تىركەلگەن.
اتالعان ىستەر اياسىندا 642 مىڭ دوللار كولەمىندەگى تسيفرلىق اكتيۆتەر تاركىلەندى. كەيبىر زاڭسىز ماينينگ فەرمالارى ەلەكتر ەنەرگياسىن ۇرلاۋ ارقىلى جۇمىس ىستەگەن (5 فەرما). ولاردىڭ تۇتىنعان ەنەرگيا كولەمى ءىرى قالانىڭ شىعىنىنا تەڭ.
مەملەكەتتىك كىرىستەر كوميتەتىنىڭ دەرەگىنشە, سوڭعى ءۇش جىلدا ماينينگ سالاسىنان بيۋدجەتكە 17 ملرد تەڭگەدەن استام قاراجات تۇسكەن. بۇل سالاعا ءتيىمدى رەتتەۋ قاجەتتىگىن كورسەتەدى.
اگەنتتىك قازاقستاندا ماينينگپەن اينالىسۋ تەك ليتسەنزيا بولعان جاعدايدا عانا رۇقسات ەتىلەتىنىن ايتادى.
