بۇعان دەيىن ماللاللي لوندون ەپيسكوپى قىزمەتىن اتقارىپ, شىركەۋ باسشىلىعىنداعى بەدەلدى تۇلعالاردىڭ ءبىرى اتانعان.
وعان دەيىنگى ارحيەپيسكوپ دجاستين ۋەلبيدىڭ وتستاۆكاعا كەتۋى مەن شىركەۋدەگى زورلىق-زومبىلىق ىستەرىنە قاتىستى جانجالداردان كەيىن, ونىڭ تاعايىندالۋى قايتادان كوپشىلىكتىڭ سەنىمىنە كىرۋ ارەكەتى رەتىندە قاراستىرىلىپ وتىر.
ارحيەپيسكوپ رەتىندە مۋللاللي بۇكىل الەمدەگى شامامەن 85 ميلليون ءدىنداردان تۇراتىن انگليكان قاۋىمداستىعىنىڭ رۋحاني جەتەكشىسى بولادى.
تاعايىنداۋدى كورولدىك اۋلەت بەكىتىپ قويدى. سالتاناتتى شارا وتكەن سوڭ, ول ءوز قىزمەتىنە رەسمي تۇردە كىرىسەدى.
انگليا شىركەۋىندە ايەلدەرگە ءدىني قىزمەتكەر بولۋعا 1994 جىلدان باستاپ رۇقسات بەرىلدى. ال ەپيسكوپ بولۋ ماسەلەسىن شىركەۋ العاش رەت 2014 جىلى قارادى. ۇزاق تالقىلاۋلاردان كەيىن باس سينود ايەلدەرگە ەپيسكوپ بولۋعا دا مۇمكىندىك بەرۋدى ماقۇلدادى.
