بيىل 1- ءىنشى جىلۋ ەلەكتر ورتالىعىندا, 2 -ءىنشى جىلۋ ستانساسىندا, 110 جەرگىلىكتى جىلۋ كوزىندە (قازاندىقتار مەن اجج), سونداي-اق ۇزىندىعى 920 شاقىرىمنان استام ينجەنەرلىك جەلىلەردە جوندەۋ جۇمىستارى جۇرگىزىلدى.
بارلىعى 248 الەۋمەتتىك نىسان (ونىڭ ىشىندە 140 مەكتەپ, 51 دەنساۋلىق ساقتاۋ مەكەمەسى) جانە 1429 تۇرعىن ءۇي دايىندالدى.
جەزقازعان جىلۋ ەلەكتر ورتالىعى مەن ساتباەۆ جىلۋ ستانساسى جىلىتۋ ماۋسىمىنا دايىن. ججەو 6-نشى جانە 3-ءىنشى قازاندىقتا جۇمىسىن باستادى.
ماگيسترالدىق جىلۋ جەلىلەرىندە جۋىپ, شايۋ جۇمىستارى اياقتالىپ جاتىر. وسىعان بايلانىستى پيك, مميب جانە ءۇي جەتەكشىلەرىنەن تۇرعىن ۇيلەردىڭ جىلۋ جەلىلەرىن ساپالى جىلۋ بەرۋ ءۇشىن ۋاقتىلى شايىپ, قىسىممەن سىناۋ جۇمىستارىن جۇرگىزۋدى سۇرايدى.
سونىمەن قاتار, حالىق ءۇشىن قاجەتتى كولەمدە كومىر قورى جاساقتالدى. وتىن بازالارىندا 4,5 مىڭ توننادان استام كومىر بار.
ءوڭىردى گازداندىرۋ جۇمىستارى جۇيەلى تۇردە جۇرگىزىلىپ جاتىر.
ۇلىتاۋ وبلىسى اكىمدىگى جىلىتۋ ماۋسىمىنىڭ تۇراقتى ءارى قاۋىپسىز ءوتۋىن باقىلاۋدا ۇستاپ وتىر.
ۇلىتاۋ وبلىسى
