ناۋقاس 23 جاستاعى جىگىت. وعان 37 جاستاعى اپكەسى ءبىر بۇيرەگىن سىيلادى. پاتسيەنت 2022 جىلدان بەرى سوزىلمالى تەرمينالدى بۇيرەك جەتكىلىكسىزدىگى دياگنوزىمەن نەفرولوگ دارىگەردىڭ باقىلاۋىندا بولعان. ەكى جىل بۇرىن وعان باعدارلامالىق گەمودياليز تاعايىندالدى, ماماندار ناۋقاستى ءبىر اي بويى وتاعا دايىنداپ, جۋىردا بۇيرەك ترانسپلانتاتسياسىن جاسادى. وتادان كەيىن ەكەۋى دە بولىمشەگە اۋىسىپ, باقىلاۋعا الىندى. قازىرگى تاڭدا جالپى پالاتادا ەمدىك شارالار ءجۇرىپ جاتىر.
دارىگەرلەردىڭ ايتۋىنشا قازاقستان جوعارى تەحنولوگيالىق مەديتسينالىق قىزمەتتى ۇيلەستىرۋ ارقىلى بۇيرەك ترانسپلانتاتسياسىن جۇزەگە اسىرىپ وتىرعان التى ەلدىڭ قاتارىنا كىرەدى. ول ەلدەر اقش, ۇلىبريتانيا, يزرايل, تۇركيا جانە ءۇندىستان. مىنە سولارمەن قاتارلاس ءبىزدىڭ مەملەكەتتە دە ترانسپلانتولوگيا قارقىندى دامۋ ۇستىندە. مەديتسينانىڭ ەڭ كۇردەلى سالاسىنىڭ العا وزۋىنا شىمكەنتتىك دارىگەرلەردىڭ قوسىپ جاتقان ۇلەسى دە وراسان زور ەكەنىن ايتا كەتكەن ءجون.
