جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ مالىمەتىنشە, جەرگىلىكتى بيۋدجەت قاراجاتىنان 1 ميلليارد تەڭگەدەن استام قارجى ءبولىنۋى جوسپارلانعان. وبلىس بويىنشا 70 جاستان اسقان 51 648 ادامعا بىرجولعى تولەم جاسالادى.
«قاراعاندى, بالقاش, پريوزەرسك, ساران, تەمىرتاۋ قالالارىندا, سونداي-اق اباي, اقتوعاي, بۇقار جىراۋ, قارقارالى, نۇرا, وساكاروۆ جانە شەت اۋداندارىندا زەينەتكەرلەرگە 20 مىڭ تەڭگەدەن بەرىلەدى. ال شاحتينسكىدە زەينەتكەرلەردىڭ ەسەپشوتىنا 10 مىڭ تەڭگەدەن اۋدارىلادى», دەلىنگەن حابارلامادا.
مۇنداي ايىرماشىلىقتىڭ سەبەبى ناقتى كورسەتىلمەگەن.
ايتا كەتەيىك, تاعى ءبىر وزگەشەلىك بار: بالقاش, اقتوعاي, نۇرا جانە وساكاروۆ اۋداندارىندا بىرجولعى كومەك 70 جاستان اسقان ادامدارعا تولەنسە, قالعان قالا-اۋدانداردا – 75 جاستان اسقان زەينەتكەرلەرگە قاراستىرىلعان.
سونىمەن قاتار, قاراعاندى وبلىسىنىڭ بارلىق وڭىرىندە دەمەۋشىلىك قولداۋ ەسەبىنەن ازىق-ت ۇلىك سەبەتتەرىن تاراتۋ, تەگىن تۇسكى اس ۇيىمداستىرۋ, ءتۇرلى تاقىرىپتىق شارالار سياقتى قايىرىمدىلىق اكتسيالارى وتكىزىلەدى. نىسانالى توپ – ۇيدە الەۋمەتتىك كومەك الاتىن قىزمەتكەرلەر مەن بەلسەندى ۇزاق ءومىر ءسۇرۋ ورتالىقتارىنىڭ قاتىسۋشىلارى.
«بىرجولعى تولەم سوماcى زەينەتكەردىڭ ەسەپشوتىنا وزدىگىنەن تۇسەدى, قوسىمشا ارەكەتتەر جاساۋ قاجەت ەمەس. قانداي دا ءبىر كودتى سۇراپ, تالاپ ەتەتىن الاياقتاردان ساق بولۋ كەرەك», دەپ ەسكەرتتى باسقارما.
ەسكە سالا كەتەيىك, 1 قازان – حالىقارالىق قارتتار كۇنى.
