تانىمال سازگەر اتىنداعى ءداستۇرلى فەستيۆالعا ەلىمىزدىڭ تۇكپىر-تۇكپىرىنەن جانە كورشىلەس ەلدەردەن كەلگەن 26 ۇمىتكەر قاتىستى. ولاردىڭ ونەرىنە كومپوزيتوردىڭ جۇبايى داريكو حاسانعاليەۆا, قازاقستاننىڭ ەڭبەك سىڭىرگەن قايراتكەرى, ايگىلى ءانشى-كومپوزيتوردىڭ ۇلى ءبىرجان حاسانعاليەۆ, قازاقستاننىڭ حالىق ءارتىسى, مەملەكەتتىك سىيلىقتىڭ لاۋرەاتى, ءانشى-كومپوزيتور التىنبەك قورازباەۆ, وزبەكستاننىڭ حالىق ءارتىسى مانسۋر تاشماتوۆ, قىرعىزستاننىڭ حالىق ءارتىسى سالاماتحان سادىقوۆا, حالىقارالىق, رەسپۋبليكالىق بايقاۋلاردىڭ لاۋرەاتى مارات ساربوپەەۆ قازىلىق ەتتى.
قازاق مۋزىكا ونەرىنىڭ دامۋىنا سۇبەلى ۇلەس قوسقان كومپوزيتوردىڭ شىعارماشىلىعى كەڭىنەن ناسيحاتتالعان ونەر سايىسىندا الماتى قالاسىنان كەلگەن ونەرپاز مەدەت ورىنباەۆ باس جۇلدەنى يەلەندى.
فەستيۆال قورىتىندىسىندا ءبىرىنشى ورىن – اقتوبەلىك مەرەي سامۇراتقا, ەكىنشى جۇلدە – استانا قالاسىنان كەلگەن پاراسات وتان مەن اتىراۋلىق ايبار عاني ۇلىنا, ال ءۇشىنشى ورىن – ورال قالاسىنىڭ نامىسىن قورعاعان ارۋجان بيسەمبايعا, قىرعىزستاندىق داريعا ساتاروۆاعا جانە وزبەكستاندىق سەۆارا تۋلانوۆاعا بۇيىردى.
بايقاۋ بارىسىندا باۋىرلاس ءۇش مەملەكەتتىڭ حالىق ارتىستەرى التىنبەك قورازباەۆ, سالاماتحان سادىقوۆا جانە مانسۋر تاشماتوۆ تە ساحنادا ءان شىرقادى. فەستيۆال «اتامەكەن» ونەر ورداسىنىڭ تۇندىگىن جەلپىگەن «اتامەكەن» انىمەن جابىلدى. ەلىمىزدىڭ بەيرەسمي ءانۇرانى ىسپەتتى اۋەنگە انشىلەرمەن قاتار قالىڭ كورەرمەن قوسىلدى. وسىنىڭ ءوزى ەسكەندىردىڭ اندەرى حالىقتىڭ جۇرەگىندە ەكەنىن كورسەتتى.
باتىس قازاقستان وبلىسى
