«ەلورداداعى LRT جۇرگىزۋشىسىز قوزعالادى. سىناق بارىسىندا ماماندار رەلستەردى, ستانتسيالاردى, بايلانىس جەلىلەرىن, جىلجىمالى قۇرامدى, قاۋىپسىزدىك پەن قوزعالىستى باسقارۋ جۇيەسىن تەكسەرەدى. ەرەكشە نازار قىزمەتكەرلەردى دايىنداۋعا, توتەنشە جاعدايداعى ءىس-قيمىل جانە LRT-نى باسقا كولىك تۇرلەرىمەن ينتەگراتسيالاۋعا اۋدارىلادى», دەلىنگەن حابارلامادا.
LRT قۇرامدارى تولىق اۆتوماتتاندىرىلعان باسقارۋ جۇيەسىمەن جابدىقتالعان. قوزعالىس, ارا قاشىقتىقتى ساقتاۋ, توقتاۋ, ەسىكتەردى اشۋ جانە جابۋ, دەپودان شىعۋ جانە كىرۋ, جۋ جۇمىستارى وپەراتوردىڭ قاتىسۋىنسىز جۇزەگە اسىرىلادى.
جابدىق پەن ينفراقۇرىلىمدى كەشەندى سىناۋ كەمىندە 6 ايعا سوزىلادى.
پويىزدار باستاپقىدا 10 كم/ساع جىلدامدىقپەن قوزعالىپ, كەيىن جىلدامدىق پەن سىناق ايماقتارى كەزەڭ-كەزەڭىمەن ارتادى.
