ارناۋلى مەملەكەتتىك قوردان بولىنگەن قاراجاتقا جانە «اۋىلدا دەنساۋلىق ساقتاۋدى جاڭعىرتۋ» ۇلتتىق جوباسىمەن مۇعالجار اۋدانىنىڭ مۇعالجار اۋىلىندا سالىنعان امبۋلاتورياعا 300 ملن تەڭگە جۇمسالدى. وسى ەمدەۋ مەكەمەسىنىڭ بىرنەشە دارىگەرى مەن ورتا مەديتسينالىق قىزمەتكەرلەرىنە 1,5 مىڭ اۋىل تۇرعىنى بەكىتىلگەن. ولار كەلۋشىلەردى قابىلداپ قانا قويماي, زەرتحانالىق تالداۋلار جۇرگىزىپ, تۇرعىنداردى سكرينينگتەن دە وتكىزەدى.
تاۋلىگىنە 45 تۇرعىن قابىلداي الاتىن مەكەمە قاجەتتى جابدىقتارمەن قامتاماسىز ەتىلگەن.
بايعانين اۋدانىنىڭ نوعايتى اۋىلىندا دا 190 ملن تەڭگەگە فەلدشەرلىك-اكۋشەرلىك پۋنكت اشىلدى. الىس اۋىلداعى تۇرعىنداردىڭ دەنساۋلىعىن باقىلاپ, قاجەت بولعان جاعدايدا العاشقى جاردەم كورسەتۋگە دايىن ەمدەۋ مەكەمەسى تاۋلىگىنە 40 تۇرعىندى قابىلدايدى. قايتارىلعان قارجىعا سالىنعان تاعى ءبىر ەمدەۋ مەكەمەسى –ىرعىز اۋدانى جارما اۋىلىنداعى مەديتسينالىق پۋنكت. ونىڭ قۇرىلىسىنا 145 ملن تەڭگە جۇمسالدى. تاياۋ ارالىقتا العا اۋدانىنىڭ مارجانبۇلاق اۋىلىنداعى دارىگەرلىك امبۋلاتوريا دا پايدالانۋعا بەرىلەدى.
اقتوبە وبلىسى.
