قۇجات قازاقستان رەسپۋبليكاسى مەن رەسەي فەدەراتسياسى اراسىنداعى دوستىق پەن ارىپتەستىككە نەگىزدەلگەن كەلىسىمدەرگە سۇيەنە وتىرىپ, اباي وبلىسى مەن كارەليا رەسپۋبليكاسىنىڭ ساۋدا-ەكونوميكالىق, عىلىمي-تەحنيكالىق, گۋمانيتارلىق, الەۋمەتتىك جانە مادەني سالالارداعى بايلانىستارىن دامىتۋعا جول اشادى.
مەموراندۋم اياسىندا ينۆەستيتسيالار تارتۋ, قۇرىلىس پەن لوگيستيكا, شاعىن جانە ورتا كاسىپكەرلىك, اۋىل شارۋاشىلىعى سالالارىندا ءوزارا ءىس-قيمىل جاساۋ, ونەركاسىپ, ونىڭ ىشىندە جەڭىل, تاۋ-كەن, وڭدەۋ, تاماق, مەتاللۋرگيا جانە ورمان ونەركاسىبى, ءبىلىم بەرۋ سالالارىندا ىنتىماقتاستىق ورناتىپ, وقۋ ورىندارى اراسىندا تىكەلەي بايلانىستى نىعايتۋ, پەداگوگتار مەن ستۋدەنتتەردىڭ تاجىريبە الماسۋى, مادەنيەت, دەنساۋلىق ساقتاۋ, تۋريزم, سپورت, الەۋمەتتىك قورعاۋ سالالارىندا بىرلەسكەن جوبالاردى جۇزەگە اسىرۋ قاراستىرىلعان.
سونىمەن قاتار تاراپتار بىرلەسكەن باعدارلامالار مەن ءىس-شارالار جوسپارلارىن ازىرلەۋ, ورتاق جوبالاردى جۇزەگە اسىرۋ, كورمەلەر مەن جارمەڭكەلەرگە قاتىسۋ, اقپاراتپەن الماسۋ جانە ءوزارا دەلەگاتسيالار جىبەرۋ مۇمكىندىكتەرىن قاراستىرۋعا ۋاعدالاستى.
سونداي-اق, وبلىس اكىمىنىڭ ورىنباسارى كارەليانىڭ دەلەگاتسياسىن 2026 جىلدىڭ ءبىرىنشى توقسانىندا اباي وبلىسىنا ساپارمەن كەلۋگە شاقىردى.
