قىسقى كەزەڭدە جانۋارلاردى قولداۋ – بيوالۋانتۇرلىلىكتى ساقتاۋمەن تىكەلەي بايلانىستى. «بۋراباي» مەملەكەتتىك ۇلتتىق تابيعي پاركىندە 48 سۇتقورەكتى ءتۇرى, 221 قۇس ءتۇرى جانە قازاقستاننىڭ قىزىل كىتابىنا ەنگەن سيرەك كەزدەسەتىن فاۋنا وكىلدەرى مەكەندەيدى. سوڭعى ساناق ناتيجەسى بويىنشا پارك اۋماعىندا 1472 اسكانيا بۇعىسى, 1429 ءسىبىر ەلىگى, 696 قابان, 141 بۇلان, سونداي-اق سيرەك جىرتقىشتار – 55 سىلەۋسىن مەن 38 قاسقىر مەكەندەيدى.
ۇلتتىق پاركتىڭ قىزمەتكەرلەرى قىسقى كەزەڭدە جابايى جانۋارلاردى قولداۋعا باعىتتالعان بيوتەحنيكالىق ءىس-شارالاردى جۇيەلى تۇردە جۇزەگە اسىرادى. جاز جانە كۇز مەزگىلدەرىندە ءشوپ, بۇتاقتىق ازىق, كوكونىستەر دايىندالادى. قىس كەزىندە ارنايى استاۋلار مەن قوسىمشا قورەكتەندىرۋ الاڭدارىنا تۇراقتى تۇردە جەتكىزىلىپ وتىرادى.
بيىل 450 توننادان استام ءشوپ, شامامەن 19 توننا تۇز, 108 توننا اعاش جاپىراعى, 250 توننادان استام ءداندى داقىلداردان جاسالعان جەم دايىندالدى. بۇدان باسقا 26 جاڭا وتتىق دايىندالدى, 50 وتتىق جوندەلدى, جاڭا تۇزدىقتار جابدىقتالدى, قورەكتەندىرۋ الاڭدارىن جوندەۋ جانە قاباندارعا ارنالعان پانالار ورناتۋ كوزدەلگەن.
بۋراباي اۋدانى,
اقمولا وبلىسى.
