كوكشەتاۋدا جىلۋ بەرۋ ماۋسىمى قىركۇيەكتىڭ 25-دە باستالادى. شاھاردى جىلۋمەن قامتاماسىز ەتۋگە جاۋاپتى «كوكشەتاۋ جىلۋ» كاسىپورنى. كۇزگى-قىسقى كەزەڭگە دايىندىق اياسىندا قازاندىقتار مەن جىلۋ جۇيەلەرى جوندەلدى. عابدۋللين كوشەسىندە 100 مەتردەي ماگيسترالدى بولىگىندەگى جۇمىس اياقتالۋعا جاقىن. جىلۋ بەرۋگە دايىن, بىراق, تۇراقتى جىلۋ رەجيمىن بەكىتۋ ءۇشىن ۋاقىت كەرەك.
–كاسىپورىننىڭ جىلۋ كەشەنى ەكى قازاندىقتان تۇرادى, – دەيدى «كوكشەتاۋ جىلۋ» كاسىپورنىنىڭ باس ديرەكتورى رۋسلان ماكىشەۆ, – №1 اۋداندىق قازاندىقتا ءۇش گاز-مازۋتتى جىلىتۋ قازاندىعى تۇر. قۋاتتىلىعى 190 گيگوكالوري. قازاندىقتىڭ تەڭ جارتىسىنا جۋىعىنىڭ توزىعى جەتكەن. ال ەكىنشى اۋداندىق قازاندىقتا قۋاتتىلىعى 280 گيگاكالوري بولاتىن كومىرتوزاڭدى 3 قازاندىق اگرەگاتى بار. سونداي-اق كاسىپورىننىڭ قۇرامىنا جەرگىلىكتى قازاندىقتار مەن جىلۋ جۇيەلەرى كىرەدى. قوس قۇبىرلى جىلۋ جۇيەلەرىنىڭ ۇزىندىعى 191 شاقىرىم.
قالادا 5 مىڭنان استام ابونەنت جىلۋمەن قامتىلادى. ولاردىڭ 1200-ءى كوپقاباتتى تۇرعىن ءۇي. سونىڭ 65-ءى جىلۋ بەرۋ ماۋسىمىن وتكىزۋگە دايىن ەمەس. 8 نىساندا ماسەلە شاش-ەتەكتەن.
–57 ءۇي نەگىزىنەن ەكى قاباتتى, توزىعى جەتكەن, – كوكشەتاۋ قالالىق تۇرعىن ءۇي قاتىناستارى جانە تۇرعىن ءۇي ينسپەكتسياسى ءبولىمىنىڭ باسشىسى قۋانىش عازيزوۆ, – ولار رەنوۆاتسيا تىزىمىندە تۇر. وسىعان وراي تۇرعىندار دايىندىق جۇمىستارىن جۇرگىزۋگە ق ۇلىقسىز. كەي ۇيلەردىڭ ءتىپتى يەسى جوق, سوندىقتان ولار ءتىپتى جىلۋ جۇيەلەرىن تازالاۋ ىسىنە دە جيىلعىسى كەلمەيدى.
جيىن بارىسىندا بۇل ۇيلەردى ماجبۇرلەپ باسقارۋعا ۇسىنىس ەنگىزىلدى.
كوكشەتاۋ
