سونىڭ اياسىندا شىمكەنت, الماتى قالاسى مەن الماتى وبلىسىندا ينتەرنەت-الاياقتىقپەن اينالىسقان توپتىڭ قىلمىستىق ارەكەتى اشكەرەلەندى. تەكسەرۋ بارىسىندا كۇدىكتىلەردىڭ ينتەرنەت-الاياقتىقتىڭ 9 جايتىنا قاتىسى بار ەكەنى انىقتالدى. كەلتىرىلگەن ماتەريالدىق شىعىن جالپى سوماسى 141 ميلليون تەڭگەدەن اسىپ وتىر.
ارنايى وپەراتسيا كەزىندە قىلمىستىق توپتىڭ 4 مۇشەسى قولعا ءتۇستى. ولار وسى قىلمىستى ۇيىمداستىرىپ جۇرگەن توپ باسشىسى, دروپپەرلەردى تارتۋمەن اينالىسقان ەكى كۇدىكتى سونداي-اق قولما-قول اقشا الىپ, ۇيىمداستىرۋشىعا جەتكىزىپ وتىرعان تاسىمالداۋشى. وسى ىسكە قاتىستى قازىرگى تاڭدا تەرگەۋ امالدارى جۇرگىزىلىپ, كۇدىكتىلەردىڭ وسىعان ۇقساس وزگە دە قىلمىستارعا قاتىستىلىعى انىقتالۋ ۇستىندە.
ايتا كەتۋ كەرەك قىلمىسكەرلەردى ۇستاۋ ءىس-شاراسى قالالىق پروكۋراتۋرانىڭ ۇيلەستىرۋىمەن قولعا الىندى. پوليتسيا دەپارتامەنتى ماماندارىنىڭ ايتۋىنشا 16 قىركۇيەكتەن باستاپ ەلىمىزدە بانك شوتىنا, تولەم نەمەسە سايكەستەندىرۋ قۇرالدارىنا زاڭسىز قول جەتكىزۋ, ونى بەرۋ نەمەسە الۋ, سونداي-اق زاڭسىز تولەمدەر مەن اقشا اۋدارىمدارىن جاساعان ازاماتتارعا قىلمىستىق جاۋاپكەرشىلىك قاراستىرىلعان.
