فوتو: اشىق دەرەككوز
زاڭ ارقىلى العاش رەت جاساندى ينتەللەكت, مودەل, جۇيە, دەرەكتەر كىتاپحاناسى, سينتەتيكالىق ناتيجە سىندى جاڭا قۇقىقتىق ۇعىمدار ورنىقتىرىلىپ وتىر.
جاساندى ينتەللەكتىنىڭ ادامدارعا زيان كەلتىرۋى مۇمكىن بىرقاتار فۋنكتسياسىن پايدالانۋعا زاڭ ارقىلى تىيىم سالىنادى:
- ادامداردىڭ سانالى تۇردە بەرگەن كەلىسىمىنسىز مىنەز-قۇلقىنا اسەر ەتەتىن جاساندى ينتەللەكتىنى قولدانۋعا;
- ادامداردىڭ السىزدىگىن (جاسى, مۇگەدەكتىگى, الەۋمەتتىك جاعدايى) ادەيى پايدالاناتىن جاساندى ينتەللەكتىنى پايدالانۋعا;
- ادامدارعا الەۋمەتتىك مىنەز-قۇلقى نەمەسە سيپاتتامالارى بويىنشا باعا بەرۋگە نەمەسە ولاردى جىكتەۋگە (الەۋمەتتىك سكورينگ);
- ادامداردىڭ ەموتسيالارىن ولاردىڭ كەلىسىمىنسىز تالداۋ ءۇشىن جاساندى ينتەللەكتىنى پايدالانۋعا;
- زاڭدا رۇقسات ەتىلگەن جاعدايلاردان باسقا ناقتى ۋاقىت رەجيمىندە كوپشىلىك ورىنداردا بەت-الپەتتى تانۋ ءۇشىن جاساندى ينتەللەكتىنى قولدانۋعا;
- جاساندى ينتەللەكت قىزمەتىنىڭ زاڭدا تىيىم سالىنعان ناتيجەلەرىن جاساۋعا جانە تاراتۋعا.
سونىمەن قاتار جاساندى ينتەللەكتتىنى ازىرلەۋ جانە ەنگىزۋ ءۇشىن ۇلتتىق پلاتفورما قۇرىلادى. ول دەرەكتەر كىتاپحانالارىنا, جاساندى ينتەللەكت ونىمدەرىن ازىرلەۋ جانە پايدالانۋ ورتاسىنا قول جەتكىزۋدى قامتاماسىز ەتەدى.
