كينو • 24 قىركۇيەك, 2025

الماتىدا سەريال فەستيۆالى اشىلدى

610 رەت

كورسەتىلدى

1 مين

وقۋ ءۇشىن

الماتىدا ورتالىق ازياداعى تۇڭعىش يندۋستريالىق سەريالدار فەستيۆالى – Almaty Series Festival ءوز شىمىلدىعىن اشتى. العاشقى كورسەتىلىمدە وتاندىق «قازاقتىڭ قورقىنىشتى ەرتەگىلەرى» اتتى تۋىندىنىڭ ءۇش سەرياسى ۇسىنىلدى. Dark fantasy جانرىنداعى بۇل جوبا – قازاقستاندىق كينەماتوگرافيادا تەڭدەسى جوق ەڭبەك. ءفيلمنىڭ الەمدىك پرەمەراسى كاناداداعى Fantasia International Film Festival اياسىندا ءوتىپ, حالىقارالىق سىنشىلاردان جوعارى باعا العان ەدى, دەپ حابارلايدى Egemen.kz.

ابزال ماقاش

فوتو: Kazpravda.kz / يۋري بەككەر

فەستيۆال بيىل ون جىلدىق تاريحى بار «Baiqonyr» حالىقارالىق دەبيۋتتىك جانە قىسقامەتراجدى كينوفەستيۆالى اياسىندا ۇيىمداستىرىلدى. ونى Kazakh Festival Hub كومپانياسى قولعا الدى. ۇيىمداستىرۋشىلاردىڭ دەرەگىنشە, فورۋمعا قاتىسۋ ءۇشىن ورتالىق ازيا ەلدەرىنەن 67 ءوتىنىم كەلىپ ءتۇستى. ءىس-شاراعا رەجيسسەرلەر, ستسەناريستەر جانە پروديۋسەرلەر قاتىسىپ وتىر.

باعدارلاماعا ورتالىقازيالىق ۇزدىك سەريال كونكۋرسى, ۇلتتىق تاۋەلسىز پيلوتتىق ەپيزودتار بايقاۋى جانە شەبەرلىك ساباقتارى, دارىستەر مەن پانەلدىك پىكىرتالاستار ەنگىزىلگەن. فەستيۆالدىڭ ەرەكشە كۇتىلەتىن بولىگى – فرانتسۋزدىق Series Mania فەستيۆالىنىڭ Serial Bridges اتتى ۋوركشوپى. ول بۇعان دەيىن تەك ريو-دە-جانەيرو مەن ستامبۋلدا وتكەن بولاتىن.

مامانداردىڭ ايتۋىنشا, سەريال ءوندىرىسى زاماناۋي تەحنولوگيالارمەن قاتار OTT-سەرۆيستەر, ستريمينگتىك پلاتفورمالار مەن ونلاين-كينوتەاترلاردىڭ قارقىندى دامۋى ارقاسىندا ەرەكشە سەرپىن الۋدا. تەك 2025 جىلدىڭ وزىندە قازاقستاندا ءۇش جاڭا ستريمينگتىك سەرۆيس ىسكە قوسىلدى.