فوتو: egemen.kz/ ەرلان ومار
2024 جىلى 2,1 ميلليوننان استام قازاقستاندىق مەملەكەتتىك سىياقى الدى. ونىڭ ىشىندە ءار ءتورتىنشى سالىمشى ەڭ جوعارعى مولشەرگە قول جەتكىزدى. وتباسى بانكىنىڭ سالىمشىلارىنىڭ اراسىندا جاس وتباسىلار دا, ستۋدەنتتەر دە, ءتىپتى زەينەتكەرلەر دە بار. بىرەۋلەر ءۇشىن بۇل – العاشقى باسپالداق, ەندى بىرەۋلەر ءۇشىن – جيناقتىڭ سەنىمدى ءارى ءتيىمدى ەكەنىن كورسەتەتىن مۇمكىندىك.
وتباسى بانكتەگىلەردىڭ ايتۋىنشا: مەملەكەتتىك سىياقى الۋ ءۇشىن دەپوزيتتى تولىقتىرىپ وتىرۋ كەرەك. دەپوزيتكە قاراجاتتى اي سايىن از-ازدان نەمەسە بىردەن ءىرى سومامەن سالۋعا بولادى. ەڭ باستىسى – جىل سوڭىنا دەيىن ۇلگەرۋ. ءتىپتى قازىر جاڭا كليەنت بولىپ دەپوزيت اشساڭىز دا, بيىلعى سىياقىنى الا الاسىز.
مەملەكەت سىياقىسى بۇرىن سىياقى بەرىلمەگەن جيناقتارعا عانا ەسەپتەلەدى. ءار جىلى شوتا جاڭا تۇسىمدەر جانە وتكەن جىلى سىاقى بەرىلمەگەن جيناق قالدىعى ەسكەرىلەلى. ەگەر وتكەن جىلى سىياقى بەرۋگە جاتاتىن دەپوزيتتەگى سوما 200 اەك-تەن اسسا, وندا قالعان ايىرماشىلىقتاعى سوماعا بيىلعى جىلى مەملەكەتتىك سىياقىنى ەسەپتەۋ كەزىندە ەسەپتەلەگى.
قازىر وتباسى بانكىندە ەلىمىز بويىنشا 3 ميلليوننان استام سالىمشى تىركەلگەن. ولاردىڭ ارقايسىنىڭ ءوز ارمانى مەن ماقساتى بار. مىسالى, استانالىق قاليمجانوۆتار وتباسى بىرنەشە جىل بويى قاراجات جيناپ كەلەدى. 2025 جىلدىڭ مەملەكەتتىك سىياقىسى قوسىلعان سوڭ, ولار «وتباسىلىق پاكەت» قىزمەتىنىڭ كومەگىمەن بارلىق دەپوزيتتەرىن بىرىكتىرىپ, ەلوردانىڭ سول جاعالاۋىنان ەكى بولمەلى پاتەر الۋدى جوسپارلاپ وتىر.
«مەملەكەتتىك قولداۋ مەن وتباسى بانكىنىڭ ىڭعايلى باعدارلامالارى بىزگە ء«وز باسپانامىز – قول جەتپەيتىن ارمان ەمەس» ەكەنىن كورسەتتى. ەڭ باستىسى – جيناقتاۋدى ۇيرەنۋ. بىزگە ءتيىمدى جيناۋعا «وتباسىلىق پاكەت» قىزمەتى كومەكتەستى. بۇل قىزمەت ارقىلى وتباسى مۇشەلەرى ءوز دەپوزيتتەرىن اشىپ, جۇيەلى تۇردە تولىقتىرىپ, كەيىن بىرىكتىرىپ نەسيە الا الادى», دەيدى جانىبەك قاليمجانوۆ.
ۇيگە تەزىرەك جەتۋدىڭ ءبىر جولى – «ارمانعا جول» باعدارلاماسى. ول ءۇشىن جۇمىس ورنىنداعى بۋحگالتەرياعا ءوتىنىش جازۋ جەتكىلىكتى. سودان كەيىن جالاقىنىڭ ءبىر بولىگى اۆتوماتتى تۇردە دەپوزيتكە اۋدارىلادى.
تاعى ءبىر جولى «Otbasy bank» ءموبيلدى قوسىمشا ارقىلى اۆتوتولەم ورناتۋ. بۇل ىڭعايلى: اقشا ءاردايىم ۋاقىتىندا تۇسەدى, ال ءسىزدىڭ جيناقتاۋدى دۇرىس جۇرگىزۋ ءتارتىبى ساقتالادى.
