125 كيلو!

اتىراۋ بالىقشىلارى سالماعى وسىنشا تارتاتىن الىپ بەكىرە ۇستادى الىپ بالىق بالىقشىلار تورىنا ۇنەمى تۇسە بەرمەيدى. دەسەك تە, وتكەن سەنبىدە «تىلەكشى» سەرىك­تەس­تىگىنىڭ بالىقشىلارى بەكىرە تۇقىمداس باعالى الىپ بالىقتى ۇستادى. ولار ادەتتەگىدەي جايىق وزەنىنىڭ تومەنگى ساعاسىنان بالىق اۋلاۋعا شىققان. سول ساتتە سالماعى 125 كيلو تارتاتىن الىپ بەكىرە تۇقىمداس باعالى بالىقتى ۇستا­دى. ونىڭ ۇزىندىعى 2 مەتر 30 سان­تي­مەتر. سەرىكتەستىك جۇمىس­شىلارى  سالماعى اۋىر بالىق­تى ارنايى كولىكپەن اتى­راۋ بەكىرە زاۋىتىنا جەتكىزدى. زاۋىت ديرەكتورى راشيدين كالي­مۋل­ليننىڭ ايتۋىنشا, باعالى بالىق­تىڭ باسىندا جانە دەنەسىندە ءتۇرلى جا­را­قاتتارى بار. السىرەگەنى دە باي­قا­لادى. وسىعان بايلانىستى ونىڭ براكونەرلەر تورىنا تۇسكەن بولۋى مۇمكىن دەگەن جورامال دا ايتىلادى. «جاراقاتى بار بالىق ءبىر اپتاداي زاۋىت ماماندارىنىڭ باقىلاۋىندا بولادى», دەيدى زاۋىت ديرەكتورى راشيدين كاليمۋللين. سونان سوڭ ول زاۋىتتا ارنايى كۇتىمگە قالدىرىلا ما,  الدە تەڭىز ايدىنىنا قايتا جىبەرىلە مە؟ ازىرگە زاۋىت ماماندارى ناقتى شەشىم قابىلداي قويعان جوق. جولداسبەك شوپەعۇل, «ەگەمەن قازاقستان». اتىراۋ وبلىسى.