فوتو: gov.kz
كولدى تازارتۋعا Bacillus شتامدارى نەگىزىندە دايىندالعان قازاقستاندىق ەكولوگيالىق قاۋىپسىز بيوپرەپاراتتارى قولدانىلعان. سۋ ايدىنىنىڭ جاعالاۋ اۋماعىنن قوقىستان تازالاۋعا «Astana Jastary» جاستار قوزعالىسىنىڭ ەرىكتىلەرى مەن قورعانىس مينيسترلىگىنىڭ قىزمەتكەرلەرى اتسالىسقان.
بۇل شارا 2025 جىلدان باستالعان سۋ ايدىندارىن بيولوگيالىق وڭالتۋ جوباسىنىڭ كەزەڭ-كەزەڭىمەن اتقارىلاتىن كەشەندى جۇمىستارىنىڭ ءبىر بولىگى.
قازىرگى ۋاقىتتا №5 ۋچاسكەدە جۇمىس ءجۇرىپ جاتىر. پروتسەسس ۇزاق ءارى بيوپرەپاراتتاردى تۇراقتى ەنگىزۋدى, سانيتارلىق شارالاردى جانە سۋ ساپاسىنا ۇنەمى مونيتورينگ جۇرگىزۋدى قاجەت ەتەدى.
«ەستەرىڭىزدە بولسا, كوكتەمدە كولدىڭ بەتىندە گۇلدەنگەن قابىق پايدا بولىپ, ءشىرۋ پروتسەسى ءجۇرىپ جاتقان ەدى. جاعداي شىنىندا كۇردەلى بولدى. الايدا قازىرگى قولدانىلىپ جاتقان تەحنولوگيالاردىڭ ناتيجەسىندە ايتارلىقتاي وڭ وزگەرىستەردى كورۋگە بولادى. بۇل – زاماناۋي ادىستەر مەن تابيعي ءشىرۋ پروتسەسىنىڭ اراسىنداعى «كورىنبەيتىن مايدان». بىراق ناتيجە بار: كولدىڭ جاعدايى جاقسارا ءتۇستى», دەدى استانا قالاسىنىڭ قورشاعان ورتانى قورعاۋ جانە تابيعاتتى پايدالانۋ باسقارماسىنىڭ باس مامانى راشيد ايدار.
كىشى تالدىكولدى ءتيىمدى تازارتۋ ءۇشىن سۇيىق كونتسەنترات جانە زەرتحانادا الدىن الا دايىندالاتىن ارنايى بيو-شارلار پايدالانىلعان. ءار قولدانار الدىندا سۋدان سىناما الىنىپ, كولدىڭ سول ۋاقىتتاعى جاعدايى تالدانعان.
