ايتۋلى كىتاپ جارمەڭكەسىندە اۆتورلارمەن كەزدەسۋلەر ءوتىپ, اربات ادەبي ءومىردىڭ ورتالىعىنا اينالدى.
فەستيۆالدىڭ ەڭ ەرەكشە جانە قىزىقتى جوبالارىنىڭ ءبىرى — «كىتاپاشار». بۇل بۋكينيستىك دۇكەن وقىرماندارعا كىتاپتى مۇقاباسى نەمەسە اننوتاتسياسىنا قاراپ ەمەس, باسقا وقىرمانداردىڭ اسەرلەرى ارقىلى تاڭداۋعا مۇمكىندىك بەرەدى. كىتاپتار قىسقاشا كەڭەستەرمەن ورالعان, بىراق اتاۋلارى كورسەتىلمەگەن, سوندىقتان كىتاپ تاڭداۋ قىزىقتى ادەبي ساياحاتقا اينالىپ, كۇتپەگەن وقيعالاردى اشۋعا جول بەردى.
ءىس-شارادا «الماتى كىتاپحانالارىنىڭ» تۇراقتى وقىرماندارى وقىرمان بيلەتىن كورسەتىپ, كىتاپتاردى ارنايى جەڭىلدىكپەن الا الدى.
كۇنى بويى باستى ساحنادا جازۋشىلارمەن, اقىندارمەن كەزدەسۋلەر وتۋدە. فەستيۆال قوناقتارى اراسىندا بيگەلدى عابدۋللين, جادي شاكەن ۇلى, الىبەك شەگەباي, باحىت بەدەلحان, سانجار كەرىمباي, كساندرا سيلانتە, ەرلان ءجۇنىس جانە باسقا دا اۆتورلار بار. سپيكەرلەر ءوز وقيعالارىمەن ءبولىسىپ, شىعارمالارىن وقىپ, قوناقتارعا قولتاڭباسى بار كىتاپتارىن سىيلادى.
«KitapFest بىزگە, جازۋشىلارعا, وقىرماندارمەن تىكەلەي كەزدەسۋگە مۇمكىندىك بەرەدى. بۇل ەرەكشە ءسات, سەبەبى ءسوز قاعازداعى ماتىننەن ءتىرى ديالوگقا اينالادى. مىنە, وسى ءۇشىن كىتاپ جازۋعا تۇرارلىق»,_ — دەپ اتاپ ءوتتى جازۋشى بيگەلدى عابدۋللين.
