ايتۋىنشا, مۇنداي جەتىستىككە مەملەكەتتىڭ جۇيەلى قولداۋى, جاتتىقتىرۋشىلاردىڭ ەڭبەگى جانە سپورت فەدەراتسيالارىنىڭ ۇيلەسىمدى جۇمىسى ىقپال ەتتى. سونداي-اق ۇلتتىق قۇرامالارعا شەتەلدىك مامانداردىڭ كەلۋى مەن جاڭا ادىستەمەلەردىڭ ەنگىزىلۋى دە ماڭىزدى ءرول اتقاردى.
بيىلعى تاريحي جەڭىستەردىڭ قاتارىندا قىسقى ازيا ويىندارىنداعى العاشقى التىندار, سەمسەرلەسۋدەن الەم چەمپيوناتىنداعى العاشقى جۇلدە, كوركەم گيمناستيكادان جاسوسپىرىمدەر اراسىنداعى الەم چەمپيوناتىنداعى التىن, ايەلدەر دزيۋدوسىنداعى تۇڭعىش فينال, بوكستان World Boxing اياسىنداعى جالپىكوماندالىق جەڭىس, مانەرلەپ سىرعاناۋدان الەم چەمپيوناتىنداعى كۇمىس مەدال جانە پارا بياتلونداعى حرۋستال گلوبۋس بار.
كوماندالىق سپورت تۇرلەرىندە دە تابىس مول بولدى. «قايرات» فۋتبول كلۋبى العاش رەت چەمپيوندار ليگاسىنىڭ نەگىزگى كەزەڭىنە جولداما الدى. ال فۋتزالدان «قايرات» ۋەفا چەمپيوندار ليگاسىندا كۇمىس جۇلدەگەر اتاندى.
وسى كورسەتكىشتەر ەل سپورتىنىڭ قارقىندى دامىپ كەلە جاتقانىن ايقىن دالەلدەيدى. الدا ميلان-2026 قىسقى وليمپياداسى تۇر. ساراپشىلاردىڭ ايتۋىنشا, كەيىنگى ايلارداعى جەڭىستەر ۇلتتىق قۇرامانىڭ الەۋەتىن كۇشەيتىپ, ەلدىڭ الەمدىك سپورتتاعى بەدەلىن ودان ءارى ارتتىرا تۇسپەك.
