شىعىس قازاقستاندا وتكىزىلىپ جاتقان كوپتەگەن مادەني ءىس-شارالاردىڭ ءبىرى, بىرەگەيى وسى وپەرەتتا تەاترىنىڭ جۇمىسى. وسىعان دەيىنگى قويىلعان قاي سپەكتاكلدى الساق تا, زال لىق تولىپ, حالىقتىڭ قوشەمەتىنە بولەنىپ كەلەدى. ال, ايگىلى شۆەد توبىنىڭ اندەرىنە نەگىزدەلگەن «Mamma mia!» ميۋزيكلى كورەرمەنگە ەرەكشە كوڭىل-كۇي سىيلاعانداي بولدى. ولاي دەيتىنىمىز, ەكى جارىم ساعاتقا سوزىلاتىن ەكى ءبولىمدى قويىلىمدى ەل تابجىلماي كورىپ شىقتى. كوڭىلدى كورىنىستى باستان اياق كورىپ شىققان وبلىس اكىمى نۇرىمبەت ساقتاعانوۆ تا وڭ باعاسىن بەرىپ, الەۋمەتتىك جەلىدە ءبولىسىپ جاتتى.
قالانىڭ قاق ورتاسىنداعى كونە عيمارات وپەرەتتا تەاترى بولىپ اشىلعالى ميۋزيكلدەر مەن وپەرەتتالار, وپەرالار مەن مۋزىكالىق قويىلىمدار قويىلادى. ەسكە سالساق, «Mamma mia!» ەڭ العاش 1999 جىلى لوندوندا قويىلعان. سودان بەرى الەمنىڭ 50-دەن استام ەلىندە كورسەتىلىپ, جۇزدەگەن ميلليون كورەرمەندى ءتانتى ەتتى. ەڭ قىزىعى, شىعىس قازاقستان وبلىستىق دراما جانە وپەرەتتا تەاترىندا بۇل تۋىندى قازاق تىلىندە دە ساحنالانعان.
شىعىس قازاقستان وبلىسى
