ءجاسوسپىرىمدى رۋدنىي قالالىق پب ەسىرتكى قىلمىسىنا قارسى ءىس-قيمىل ءبولىمىنىڭ قىزمەتكەرلەرى قالالىق جاعاجاي ماڭىندا ۇستاعان. كۇدىكتىنى ءتىنتۋ بارىسىندا ۇنتاق ءتارىزدى زات سالىنعان شامامەن 80 پاكەت تابىلدى.
پوليتسيا قىزمەتكەرلەرى ءجاسوسپىرىم جالعا العان قوستاناي قالاسىنداعى پاتەرگە ءتىنتۋ جۇرگىزىپ, ەلەكتروندى تارازىلار, اق ۇنتاق قالدىعى قالعان جۇزدەگەن بوس پاكەت, سونداي-اق ساتۋعا دايىنداپ قويعان 200-دەن استام ەسىرتكى ورامىن تاپتى. تاركىلەنگەن ۇنتاقتىڭ جالپى سالماعى شامامەن جارتى كيلوگرامم بولادى. سوت-حيميالىق ساراپتاما تاركىلەنگەن ۇنتاقتىڭ سينتەتيكالىق ەسىرتكى ەكەنىن كورسەتىپ وتىر.
ءتارتىپ ساقشىلارىنىڭ ايتۋىنشا, ءجاسوسپىرىم اتالعان قىلمىسقا الەۋمەتتىك جەلىلەر ارقىلى تارتىلعان. مەسسەندجەر ارقىلى «جوعارى تابىسى بار كۋرەرلىك جۇمىس» تاپقان. شىن مانىندە, ونىڭ مىندەتى ەسىرتكى ساقتاۋ, ونى وبلىس كولەمىندەگى قۇپيا ورىندارعا جاسىرىپ قويىپ وتىرۋ عانا بولعان.
كۇدىكتىگە قاتىستى قر قك-ءنىڭ ەرەكشە ءىرى كولەمدە پسيحوتروپتىق زاتتاردى زاڭسىز دايىنداۋ, ساقتاۋ جانە تاسىمالداۋ بابى بويىنشا قىلمىستىق ءىس قوزعالدى. قازىر ءجاسوسپىرىم ۋاقىتشا ۇستاۋ يزولياتورىنا وتىر.
پوليتسيا قىلمىستىق توپتىڭ ۇيىمداستىرۋشىلارىن جانە ءجاسوسپىرىمنىڭ ەرەسەك سىبايلاستارىن ىزدەستىرىپ جاتىر.
«جاسوسپىرىمدەردى ينتەرنەت ارقىلى ارباۋ – ەسىرتكى بيزنەسىنىڭ كەڭ تارالعان تاسىلىنە اينالىپ وتىر. سوندىقتان اتا-انالاردى بالانىڭ بوس ۋاقىتىن قالاي وتكىزەتىنىنىن ءجىتى باقىلاپ, ونىڭ الەۋمەتتىك جەلىدە نە ىستەپ, نە قويىپ جاتقانىن باقىلاپ قاداعالاپ وتىرۋعا شاقىرامىز», دەپ حابارلادى وبلىستىق پد-نىڭ ءباسپاسوز قىزمەتى.
«قاراسورا-2025» جەدەل الدىن الۋ ءىس-شاراسى اياسىندا وڭىردە بۇگىنگى ءبىر كۇننىڭ ىشىندە زاڭسىز اينالىمنان 5 كگ 570 گرامم سينتەتيكالىق ەسىرتكى تاركىلەنگەن.
قوستاناي وبلىسى
