قىزىلوردا وبلىستىق جانۋارلار دۇنيەسىن مەملەكەتتىك قورعاۋ جونىندەگى مامانداندىرىلعان مەكەمەسىنىڭ ينسپەكتورى جانە شيەلى اپب-ءنىڭ جپقب-ءنىڭ تابيعات قورعاۋ پوليتسيا توبى 13 قىركۇيەك كۇنى قىزىلوردا وبلىسى اۋماعىندا «ۋرال» موتوكولىگىن توقتاتقان.
تەكسەرۋ بارىسىندا موتوكولىكتىڭ جۇك سالعىشىنان جارىق شام, اتىلعان 12 قويان, 1 ۇڭعىلى 16 كاليبرلى ءىىو-دا تىركەۋىندە جوق اڭشى مىلتىعى تاركىلەندى. كۇدىكتى رەتىندە 32 جانە 37 جاستاعى اۋدان تۇرعىندارى ۇستالدى.
قازىر اتالعان دەرەك بويىنشا سوتقا دەيىنگى تەرگەپ-تەكسەرۋ ارەكەتتەرى جۇرگىزىلىپ جاتىر.
ساراپتامالار تاعايىندالىپ, وقيعانىڭ ءمان-جايى انىقتالۋ ۇستىندە.
