فوتو: abw.by
ايتا كەتەيىك, بيىلعى جىلدىڭ باسىنان بەرى ەلەكتروساموكاتتاردىڭ قاتىسۋىمەن 360-تان استام جول-كولىك اپاتى ورىن العان.
پرەمەر-مينيستر الەم ەلدەرىنىڭ تاجىريبەسىنە نازار اۋدارىپ, كەي مەملەكەتتەردە مۇنداي كولىك تۇرلەرىن پايدالانۋعا شەكتەۋ قويىلعان نەمەسە تولىقتاي تىيىم سالىنعانىن اتاپ ءوتتى.
«جولداۋدا مەملەكەت باسشىسىنىڭ وسى وزەكتى ماسەلەگە نازار اۋدارۋى كەزدەيسوق ەمەس. ماسەلەن, پاريجدە 2023 جىلدىڭ قىركۇيەك ايىنان باستاپ ساموكاتتاردى جالعا الۋعا تىيىم سالىندى. تەك ءوز قۇرالىڭدى پايدالانۋعا رۇقسات. وتكەن جىلدىڭ قازان ايىنان باستاپ مادريدتە دە ءدال وسىنداي شەكتەۋ شارالارى كۇشىنە ەندى. ۇلىبريتانيادا ءاربىر ەلەكتروساموكاتقا مەملەكەتتىك ءنومىر بەرىلىپ, ونى تەك جۇرگىزۋشى كۋالىگىمەن عانا باسقارۋعا بولادى», دەدى بەكتەنوۆ.
سونىمەن قاتار, ولجاس بەكتەنوۆ ىشكى ىستەر مينيسترلىگىنە زاڭناماعا ءتيىستى وزگەرىستەردى جەدەل دايىنداۋدى تاپسىردى. ونىڭ ايتۋىنشا, جول قوزعالىسىندا ادام ءومىرى مەن دەنساۋلىعىن قورعاۋ بارلىق مەملەكەتتىك ورگاندار مەن جەرگىلىكتى اتقارۋشى بيلىكتىڭ باستى مىندەتى بولىپ قالا بەرەدى.
