فوتو: Finratings.kz
«جوسپار نەگىزگى 8 باعىتتان تۇرادى, ونىڭ ىشىندە جاڭا ينۆەستيتسيالىق ساياسات, ونەركاسىپتى نىعايتۋ, اوك دامىتۋ, كولىكتىك الەۋەتتى جۇزەگە اسىرۋ, تكش جاڭعىرتۋ, كاسىپكەرلىكتى قولداۋ, ادامي كاپيتالدى دامىتۋ جانە پارلامەنتتىك رەفورمانى جۇرگىزۋ بار», دەدى سەرىك جۇمانعارين.
ۆيتسە-پرەمەردىڭ ايتۋىنشا, ينۆەستورلاردىڭ قۇقىقتارىن قورعاۋدى كۇشەيتۋ ءۇشىن باس پروكۋراتۋرا جانىنداعى اكتيۆتەردى قايتارۋ كوميتەتى ينۆەستورلاردىڭ قۇقىقتارىن قورعاۋ كوميتەتى بولىپ قايتا قۇرىلادى. سونداي-اق جوعارى تەحنولوگيالىق سەكتورلارعا ۇلتتىق قوردان 1 ملرد اقش دوللارىنا دەيىن ينۆەستيتسيا تارتىلماق.
2026 جىلدىڭ قاڭتارىنا دەيىن جاڭا «بانكتەر تۋرالى» زاڭ قابىلدانىپ, ول بانك نارىعىنا جاڭا قاتىسۋشىلاردى كىرگىزۋگە جانە قارجى رەسۋرستارىن ناقتى ەكونوميكاعا باعىتتاۋعا مۇمكىندىك بەرەدى.
جوسپار اياسىندا Alatau city اۋماعىندا ىسكەرلىك بەلسەندىلىك پەن يننوۆاتسيالار ورتالىعى قۇرىلادى. مۇندا كريپتواكتيۆتەر ارقىلى تولەم جاساۋعا جول اشاتىن كريپتو-فيات ارنالارىن ەنگىزۋ كوزدەلگەن.
سونىمەن قاتار ۇلتتىق بانكپەن بىرلەسىپ, تسيفرلىق اكتيۆتەردىڭ تولىققاندى ەكوجۇيەسىن قالىپتاستىرۋ ءۇشىن مەملەكەتتىك تسيفرلىق اكتيۆتەر قورى قۇرىلاتىن بولادى.
