سۋرەت: primeminister.kz
قازىردە اتالعان قۇجات اياسىندا 48 قاناتقاقتى جوبا بەكىتىلگەن. بيىل «قازاقستان تۇرعىن ءۇي كومپانياسى» اق جەلىسى بويىنشا قاراعاندى, پاۆلودار, باتىس قازاقستان, سولتۇستىك قازاقستان وبلىستارىندا 10 قاناتقاقتى جوبانى ىسكە قوسۋعا 22,5 ملرد تەڭگە ءبولىندى. بۇل – «قتك» اق تاراپىنان اكىمدىكتەردىڭ وبليگاتسيالارىن ساتىپ الىپ, جىلۋ, سۋ, سۋ تازارتۋ جانە ەلەكترمەن جابدىقتاۋ نىساندارىن جاڭعىرتۋعا باعىتتالعان العاشقى تاجىريبە.
«قازاقستاننىڭ دامۋ بانكى» اق قاراۋىندا جالپى قۇنى 118,4 ملرد تەڭگەنى قۇرايتىن 8 جوبا بار. مەملەكەتتىك ورگاندار وتاندىق تاۋار وندىرۋشىلەر مەن تابيعي مونوپوليا سۋبەكتىلەرى اراسىندا ءوزارا ءىس-قيمىلدى ۇيىمداستىردى. وتاندىق وندىرۋشىلەردىڭ ءتىزىلىمى جاساقتالىپ جاتىر. وڭىرلەر بويىنشا 669 EPC-مەردىگەر جانە 2,2 ترلن تەڭگەنىڭ 2,7 مىڭ تاۋار پوزيتسياسى ايقىندالدى.
وفتەيك كەلىسىمشارتتار اياسىندا ءوندىرىستى جولعا قويۋ ءۇشىن الەۋەتتى تاۋارلار ءتىزىمى جاسالدى. تاۋارلارعا دەگەن سۇرانىس ونەركاسىپ جانە قۇرىلىس مينيسترلىگىنىڭ جانە «QazIndustry» اق-نىڭ رەسمي سايتتارىندا جاريالاندى.
سونىمەن قاتار ەلەكتروندىق ساتىپ الۋ پلاتفورماسى ازىرلەنىپ جاتىر. سالاداعى قاۋىمداستىقتار مەن وتاندىق وندىرۋشىلەرگە تاۋارلاردى ساتىپ الۋ تەتىگىن ءتۇسىندىرۋ بويىنشا كەزدەسۋلەر ءوتتى. ۇلتتىق جوبانىڭ نەگىزگى باعىتتارىن ءتۇسىندىرۋ ماقساتىندا وڭىرلەردە كوشپەلى سەمينار-كەڭەستەر جالعاسىپ جاتىر. ەكسج-نىڭ جۇزەگە اسىرىلۋ بارىسى modernization.kz سايتىندا جانە «مودەرنيزاتسيا.كز» Telegram-ارناسىندا جاريالانىپ وتىرادى.
جوبالىق وفيس وتىرىسىندا ودان بولەك تۇرعىن ءۇي-كوممۋنالدىق شارۋاشىلىق سالاسىن تسيفرلاندىرۋ, اسپاپتارمەن جابدىقتاۋ جانە جاساندى ينتەللەكتى ەنگىزۋ, سونداي-اق حالىقارالىق تاجىريبەنى زەردەلەۋ ماسەلەلەرىنە ەرەكشە نازار اۋدارىلدى.
جيىندى قورىتىندىلاي كەلە, ۆيتسە-پرەمەر قانات بوزىمباەۆ اكىمدىكتەر مەن سالالىق مينيسترلىكتەرگە ۇلتتىق جوبا اياسىندا جۇزەگە اسىپ جاتقان بارلىق ۇدەرىستەردى جەدەل اياقتاۋ جانە وڭىرلەردىڭ 2026–2029 جىلدارعا ارنالعان قاجەتتىلىكتەرىن ايقىنداۋ جونىندە بىرقاتار تاپسىرما بەردى.
