وبلىستىق قوعامدىق دامۋ باسقارماسىنىڭ باسشىسى رۋسلان كايۋپوۆتىڭ ايتۋىنشا باعدارلامانىڭ جالپى قۇنى 1 ملرد 700 ميلليون تەڭگە, ونىڭ 1 ملرد 200 ملن تەڭگەسى وبلىستىق بيۋدجەتتەن بيۋدجەتتىك نەسيە رەتىندە بولىنسە, 500 ملن تەڭگە «وتباسى بانكى» ارقىلى قاراستىرىلىپ وتىر.
بىلتىر وبلىس اكىمى نۇرلىبەك نالىباەۆتىڭ باستاماسىمەن ايماق جاستارى ءۇشىن جەڭىلدەتىلگەن يپوتەكالىق نەسيە بەرۋگە باعىتتالعان باعدارلاما اياسىندا 100 جاس باسپانالى بولعان. باعدارلاماعا ۇسىنىم بەرۋ 15 كۇنتىزبەلىك كۇن ىشىندە جۇزەگە اسىرىلادى. ودان كەيىن, جينالعان بالل سانى بويىنشا ەڭ كوپ بالل جيناعان قاتىسۋشىلار ىرىكتەلەدى, ولارعا ەلەكتروندى جولداما بەرىلەدى. جولدامانى العان جاستار «وتباسى بانكىندە» تولەم قابىلەتتىلىگىن راستاعاننان كەيىن كەلىسىم-شارت راسىمدەلىپ, ءۇي تابىستالاتىن بولادى.
وبلىس, قالا, اۋداندىق جاستار رەسۋرستىق ورتالىقتارىندا «سىر جاستارى» باعدارلاماسى بويىنشا كەڭەس بەرىپ, قۇجات ۇسىنۋعا كومەك بەرىلەدى.
