جوسپار بويىنشا جىل سايىن:660 مىڭ توننا اممياك, 577,5 مىڭ توننا كارباميد جانە 500 مىڭ توننا اممياك سەليتراسى وندىرىلەدى.
كەشەندى 2029 جىلى ىسكە قوسۋ كوزدەلگەن. قۇرىلىستا شامامەن 1 500 ادام جۇمىس ىستەسە, پايدالانۋعا بەرىلگەن سوڭ 700 تۇراقتى جۇمىس ورنى اشىلادى.
جوباعا اقش, قىتاي, جاپونيا جانە يسپانيادان سەرىكتەستەر تارتىلادى. ءونىم ىشكى نارىقتان بولەك ورتالىق ازيا, ەۋروپا جانە تاياۋ شىعىس ەلدەرىنە ەكسپورتتالماق.
كاسىپورىننىڭ باستى ەرەكشەلىگى – ەكولوگيالىق تيىمدىلىگى. مۇندا شىعارىندىلاردى ازايتاتىن زاماناۋي تەحنولوگيالار جانە سۋدى قايتا اينالىمدا پايدالانۋ جۇيەسى قولدانىلادى. بۇل شەشىمدەر قورشاعان ورتاعا تۇسەتىن اسەردى ازايتادى.
«كازازوت» اق - اممياك, ازوت قىشقىلى مەن اممياك سەليتراسىن وندىرەتىن ەلدەگى جەتەكشى حيميا كاسىپورنى. شيكىزات كوزى - شاعىرلى-شومىشتى گاز كەن ورنى. «KazAzot Prime» ىسكە قوسىلعان سوڭ, كومپانيانىڭ وندىرىستىك قۋاتى ارتىپ, قازاقستاننىڭ الەمدىك تىڭايتقىش نارىعىنداعى پوزيتسياسى نىعايا تۇسپەك.
