ەل ابىرويىن اسقاقتاتقان

الەم ءما­دە­­نيەتى كۇن­نەن كۇنگە دا­مىپ كەلەدى. جانە بۇل ءۇردىس­كە زور ىقپالىن تيگىزەتىن جاستار قاۋىمى. بۇگىندە بۇعان دالەل كوپ. سولاردىڭ ءبىرى – جۋىردا (26 ماۋسىم – 2 شىلدە ارا­لىعىندا) ارمەنيا اس­تاناسى ەرە­ۆان­دا وتكەن تمد ەلدەرى جاستارى اراسىنداعى ءVى دەلفي­لىك ويىن­دار. بيىلعى شارا 1941-1945 جىل­دارداعى ۇلى وتان سوعى­سىن­داعى جەڭىستىڭ 65 جىلدىعىنا ارنالدى. الەمدە ەڭ العاش رەت دەلفي­لىك ويىندار ءبىزدىڭ داۋىرىمىزگە دەيىن 582 جىلى گرەكيادا باستالعان كورىنەدى. اپوللون نەگىزىن قالاعان بۇل سايىس پيفيلىك ويىندار دەپ اتالعان ەكەن. سودان كەيىن عانا دەلفي قالاسىندا وتكىزىلگەندىكتەن, قازىرگى اتاۋىنا يە بولىپتى. نەگىزىنەن دەلفيلىك ويىندار ءۇش مارتە جاڭعىرعان. العاش گرە­كيادا باستاۋ السا, وليمپيا ويىن­دارى­مەن بىرگە 1600 جىل بۇرىن توق­تاتىلعان ەكەن. سودان تەك 1927-1930 جىلداردا گرەكتەر قايتا جان­دان­دىر­عان بولاتىن. بىراق ءىى دۇنيە­جۇزى­لىك سوعىس بۇعان دا ءوز كەدەرگىسىن تيگىز­گەن-ءدى. بۇكىل ادامزات قولداي­تىن ونەر بايقاۋى 2000 جىلى قايتا جاندانۋ كەزەڭىنە اياق باسىپ, ءماس­كەۋدە 27 ەل­دىڭ قاتىسۋىمەن حالىق­ارا­­لىق دەل­فيلىك ويىندار وتكىزىلگەن ەدى. ال بۇگىنگى تاڭدا وسى مادەني شارا­نىڭ زور دامىعانى ايدان انىق. ەرەۆاندا وتكەن ويىندار تمد ەلدەرىن مادەنيەت جانە ونەر سال­اسىندا جاقىنداستىرىپ قانا قويماي, ەلارالىق بايلانىستاردى نىعايتۋعا جول اشتى. الدىن الا ەلىمىزدەگى بارلىق قالالاردا ونەرلى جاستار اراسىندا سايىس وتكىزىلىپ, مىقتىلارى وسى حالىقارالىق دودادا قازاقستان نامىسىن قورعاۋ­عا مۇمكىندىك العان ەدى. ەلىمىزدىڭ اتىن شىعارىپ, ءوز ونەرلەرىن پاش ەتكەن جاس تالانتتارىمىز ەل سەنى­مىن تولىعىمەن اقتادى دەسەك, قاتە­لەسپەيتىنىمىز انىق. تمد ەلدەرىندەگى جاستار قاۋى­مىن بىرىكتىرەتىن, بىرنەشە ۇلتتار اراسىنداعى تاتۋلىق كوپىرى بولعان بۇل ءداستۇرلى سايىستا قازاقستان قۇراماسى جوعارى بەلەستەن كورىندى. 19 نوميناتسيادا جارىسقا تۇسكەن ءبىزدىڭ جاستار ولاردىڭ 8 تۇرىنەن ۇزدىك ناتيجەلەر كورسەتە الدى. ايتا­لىق, تسيرك نوميناتسياسىندا ونەر كورسەتكەن دانا رىسبەكوۆا مەن داريا ابدۋلاحاسوۆا التىن مەدالعا يە بولدى. سونىمەن قاتار بەكسانا وڭداعانوۆا ۇلتتىق ءان ايتۋ ونەرىندە ۇزدىك شىعىپ, التىننان القا تاقتى. ال ءمادينا اداموۆا (“سكريپكا”) مەن الفيا ۆاليتوۆا (“فورتە­پيانو”) كۇمىس جۇلدەگە قول جەتكىزسە, سابىرجان جۇنىسبەكوۆ (“دي-دجەي”) جانە “جورعا” ۇلتتىق بي ءانسامبلى ءۇشىنشى ورىننان كورىندى. باسقا دا ونەرلى جاستارى­مىز ءار ءتۇرلى نومي­ناتسيالاردا ديپلومدارعا يە بولدى. مىنە, “ونەر – جاس ۇلاننان, ءجۇي­­رىك – تاي-قۇناننان” دەمەكشى, جاستارىمىزدىڭ وسىنداي حالىق­ارالىق دارەجەدەگى ابىرويلى جەتىستىك­تەرى – ەلدىڭ دە ۇلكەن ماقتانىشى. بي-بولات سەيتاق, ەۋرازيا ۇلتتىق ۋنيۆەرسيتەتىنىڭ ستۋدەنتى.