2005 جىلدان بەرى اتالعان جەلى سەرىكتەستەرىمەن بىرگە مۇگەدەكتىگى بار ايەلدەردىڭ تەڭدىگى مەن قۇقىقتارىن قورعاۋ باعىتىندا جۇمىس ىستەپ كەلەدى. ۇيىم تاجىريبەسىندە ۇلتتىق جانە حالىقارالىق دەڭگەيدەگى ادۆوكاتسيا جوبالارى, رەپرودۋكتيۆتىك قۇقىقتاردى قورعاۋ باستامالارى, تاۋەلسىز ءومىر مەكتەپتەرىن وتكىزۋ, تەرىس ستەرەوتيپتەردى ەڭسەرۋ جانە كوشباسشىلىققا باۋلۋ باعدارلامالارى بار.
كونفەرەنتسيادا ايماقتاعى ۇيىمداردىڭ تاجىريبەسى تانىستىرىلىپ, نەگىزگى تاقىرىپتار بويىنشا تالقىلاۋلار ءوتتى. مۇگەدەكتىگى بار ايەلدەر مەن قىزداردىڭ قۇقىقتارىن قورعاۋ تۇرعىسىنان تۇراقتى دامۋ ماقساتتارىنا قول جەتكىزۋگە قاتىستى ۇسىنىمدار بەرىلدى.
سەنات توراعاسىنىڭ ورىنباسارى ولگا پەرەپەچينا ءوز سوزىندە: «تۇراقتى دامۋ ماقساتتارى – بولاشاققا باعىتتالعان امبەباپ كۇن ءتارتىبى. بىراق ولاردى حالىقتىڭ وسال توپتارىنىڭ مۇددەسىن ەسكەرمەي جۇزەگە اسىرۋ مۇمكىن ەمەس. مۇگەدەكتىگى بار ايەلدەر مەن قىزدار دا بىلىمگە, مەديتسيناعا, جۇمىسپەن قامتۋعا جانە قوعامدىق ومىرگە تەڭ قول جەتكىزۋگە ءتيىس. ءبىزدىڭ مىندەتىمىز – ەشكىمدى نازاردان تىس قالدىرماۋ», دەدى.
سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى ايگۇل نادىرقۇلوۆا: «ينكليۋزيا قاعيداتتارىن ىلگەرىلەتۋ جانە تۇراقتى دامۋ ماقساتتارىنا قول جەتكىزۋ – قازاقستان ءۇشىن باسىم باعىت بولىپ قالا بەرەدى. حالىقارالىق ىنتىماقتاستىق پەن تاجىريبە الماسۋ ارقىلى مۇگەدەكتىگى بار ايەلدەر مەن قىزدارعا تەڭ مۇمكىندىكتەر بەرەتىن ينكليۋزيۆتى قوعام قۇرا الامىز», دەپ اتاپ ءوتتى.
كونفەرەنتسيا تۇراقتى دامۋ ماقساتتارىن ورىنداۋ, بۇۇ مۇگەدەكتەر قۇقىعى جونىندەگى كونۆەنتسياسى مەن ايەلدەرگە قاتىستى كەمسىتۋشىلىكتى جويۋ تۋرالى كونۆەنتسيا ەرەجەلەرىن جۇزەگە اسىرۋعا باعىتتالعان حالىقارالىق مىندەتتەمەلەردى قولداۋعا ءوز ۇلەسىن قوسادى. سونىمەن قاتار, ءىس-شارا ەۋروپاداعى قاۋىپسىزدىك جانە ىنتىماقتاستىق ۇيىمىنىڭ ادام قۇقىقتارى مەن گەندەرلىك تەڭدىك سالاسىنداعى باسىمدىقتارىن العا جىلجىتۋعا سەپتىگىن تيگىزەدى.
