فوتو: pixabay.com
دەپۋتات وسى ماسەلەنى شەشۋدى كوزدەيتىن ستاندارت جوباسى دەنساۋلىق ساقتاۋ مينيسترلىگىنە 10 اي بۇرىن جولدانعانىن ايتىپ, ارنايى ستاندارتتىڭ بەكىتىلمەۋى سالدارىنان ەمدەلمەيتىن اۋرۋعا شالدىققان بالالار جەتكىلىكتى قولداۋعا قول جەتكىزە الماي وتىرعانىنا نازار اۋداردى.
«ستاندارتتىڭ جوقتىعى بالالارعا كورسەتىلەتىن پاللياتيۆتىك مەديتسينالىق كومەكتىڭ ساپاسىنا اسەر ەتىپ جاتىر. مەديتسينالىق قىزمەتكەرلەر بالالار شالدىققان قانداي اۋرۋلارى پاللياتيۆتىك ستاتۋسقا اۋىستىرىلاتىنىن, قاشان جانە كىمنىڭ اۋىستىرۋى كەرەك ەكەنىن, پاللياتيۆتىك ستاتۋستاعى بالالاردى قالاي باقىلاۋ قاجەت ەكەنىن بىلمەيدى. بۇل سۇراقتارعا جاۋاپتار قازاقستانداعى بالالارعا پاللياتيۆتىك مەديتسينالىق كومەك كورسەتۋدى ۇيىمداستىرۋ ستاندارتىنىڭ جوباسىندا ناقتى كورسەتىلگەن. تەك دەنساۋلىق ساقتاۋ مينيسترلىگى وسى ستاندارتتى بەكىتۋدى نەلىكتەن سوزىپ وتىرعانى تۇسىنىكسىز. ىشكى نەمەسە سىرتقى قانداي كۇشتەر ستاندارتتىڭ قابىلدانۋىنا كەدەرگى كەلتىرىپ جاتىر؟ بۇعان كىم جاۋاپتى؟ سوڭىندا, زارداپ شەگىپ وتىرعان – بالالار», دەدى يرينا سميرنوۆا.
سونداي-اق ول بالالاردى ەمدەيتىن دارىگەرلەر تاپشىلىعى دا وزەكتى ەكەنىنە توقتالىپ, «استانا مەديتسينا ۋنيۆەرسيتەتى» كەاق-تىڭ «بالالار انەستەزيولوگياسى, رەانيماتولوگياسى, ينتەنسيۆتى تەراپياسى جانە شۇعىل مەديتسينالىق كومەك» كافەدراسىن جابۋ شەشىمىنە قاتىستى ءۋاج ايتتى.
«ەلىمىزدە بار بولعانى 2 جوو بالالار انەستەزيولوگياسى-رەانيماتولوگياسى بويىنشا ماماندار دايارلاپ كەلدى. قازىرگى ۋاقىتتا تەك 1 ۋنيۆەرسيتەت قانا قالدى. ۋاكىلەتتى ورگان قوسىمشا پەدياتريالىق باعىتتاعى ءبىلىم بەرۋ باعدارلامالارىن اشىپ وتىرعانىن, پروفەسسورلىق-وقىتۋشىلىق قۇرامنىڭ كادرلىق الەۋەتى بار ەكەنىن, بۇكىل ەلگە بالالار انەستەزيولوگ-رەانيماتولوگتارىن دايارلاۋعا مۇمكىندىك تۋىپ وتىرعانىن ەسكەرسەك, «بالالار انەستەزيولوگياسى, رەانيماتولوگياسى, ينتەنسيۆتى تەراپياسى جانە شۇعىل مەديتسينالىق كومەك» كافەدراسىنىڭ جابىلۋىن ديۆەرسيالىق ارەكەت رەتىندە قاراستىرۋعا بولادى», دەدى دەپۋتات.
سوندىقتان يرينا سميرنوۆا قازاقستانداعى بالالارعا پاللياتيۆتىك مەديتسينالىق كومەك كورسەتۋدى ۇيىمداستىرۋ ستاندارتىن بەكىتۋ ماسەلەسىن شەشۋ مەن «استانا مەديتسينا ۋنيۆەرسيتەتى» كەاق-داعى «بالالار انەستەزيولوگياسى, رەانيماتولوگياسى, ينتەنسيۆتى تەراپياسى جانە شۇعىل مەديتسينالىق كومەك» كافەدراسىن قايتا ىسكە قوسۋدى قاراستىرۋدى ۇسىندى.
