قوستانايدا دەمالىس كۇندەرى ءۇش ادام سۋعا كەتتى

قوستاناي. 23 ماۋسىم.  ەكى كۇن دەمالىستا قوستاناي وڭىرىندەگى وزەن-كولدەرگە ءۇش ادام باتىپ كەتتى. بۇل تۋرالى egemen.kz ءتىلشىسى حابارلادى. قوستانايدا كۇننىڭ ىستىعىنان ادامدار وزەن-كولدەرگە شومىلۋعا اعىلىپ جاتىر.  بىراق ولار    جاعاجايلاردان باسقا شومىلۋعا رۇقسات ەتىلمەگەن جەرلەرگە دە بارادى.  ەكى كۇندە ءۇش ادامنىڭ سۋعا كەتۋى سونىڭ سالدارى جانە سۋعا ماساڭ قالپىندا تۇسەتىندەر دە ونىڭ قۇربانىنا اينالدى. سونداي باقىتسىز وقيعانىڭ ءبىرى قارابالىق اۋدانىنداعى كىشى قاراباس كولىندە ورىن الدى. سۋعا ماساڭ قالپىندا تۇسكەن 1975 جىلى تۋعان ەر ادام كولگە باتىپ كەتتى. ونىڭ دەنەسىن اۋىل ادامدارى تاۋىپ, سۋدان شىعارىپ الدى. باقىتسىز جاعدايلار دەمالىس كۇنى رۋدنىي قالاسىندا دا ورىن الدى. توبىلدىڭ قالا ماڭىنان وتەتىن سالاسىنا شومىلۋعا بارعان 1978 جىلى تۋعان جۇمىسسىز سۋعا ءتۇسۋ ەرەجەلەرىن, ساقتىقتى ساقتاماعاننان قايتىپ جاعاعا شىقپادى. سۋدان قۇتقارۋشىلار ونىڭ دەنەسىن ءبىر ساعاتتىڭ ىشىندە تاۋىپ, جاعاعا شىعاردى. «جۇت جالعىز بولمايدى» دەگەن, توبىلعا سول كۇنى تاعى ءبىر رۋدنىيلىق باتىپ كەتتى. ىشىمدىك ءىشىپ الىپ شومىلعان 1961 جىلعى ازامات سۋدىڭ قۇربانىنا اينالدى.  ونىڭ دەنەسىن جەرگىلىكتى تۇرعىندار سۋدان شىعاردى. جالپى شومىلۋ ماۋسىمى باستالعالى بەرى 9 ادام وزەن-كولدەردە اجال قۇشتى. ءنازيرا جارىمبەتوۆا. دەرەك, سۋرەت: egemen.kz