فوتو: اشىق دەرەككوز
«پرەزيدەنت ينۆەستيتسيا تارتۋ ماسەلەسى بىرنەشە مەملەكەتتىك ورگانداردىڭ قاراۋىندا ەكەندىگىنە نازار اۋداردى. ۇلتتىق ەكونوميكا مينيسترلىگىنە سىرتقى ىستەر مينيسترلىگىمەن بىرلەسىپ ءۇش كۇن مەرزىمدە ءتيىستى وزگەرىستەر ەنگىزە وتىرىپ وسى باعىت ءۇشىن ءبىر جاۋاپتى مەملەكەتتىك ورگاندى بەكىتۋ جونىندە ۇسىنىستار ەنگىزسىن», دەدى ولجاس بەكتەنوۆ.
سونىمەن قاتار پرەمەر-مينيستر پرەزيدەنتتىڭ تەحنولوگيالار مەن قۇزىرەتتەر بەرە الاتىن جانە جاڭا نارىقتارعا جول اشاتىن ءىرى ينۆەستورلاردى ىزدەپ, ولاردى ەلگە تارتۋ جۇمىسىن كۇشەيتۋ قاجەتتىگى تۋرالى تاپسىرمالارىن ورىنداۋعا باسا نازار اۋدارتتى.
بۇل رەتتە ولجاس بەكتەنوۆ ورنىقتى ينۆەستيتسيالىق مودەلدى ورتا جانە شاعىن ينۆەستورلار دا قالىپتاستىرا الاتىنىن اتاپ ءوتتى. ولار باسەكەلەس ورتا قالىپتاستىرىپ, وڭىرلەردە جۇمىس ورىندارىن قامتاماسىز ەتەدى.
پرەمەر-مينيستر «ينۆەستيتسياعا تاپسىرىس» تەتىگىن جەتىلدىرۋدىڭ ماڭىزى زور ەكەنىن ايتتى. ول جاڭا بۋىننىڭ عىلىمدى كوپ قاجەت ەتەتىن وندىرىستەرىن قۇرۋدىڭ قوزعاۋشى كۇشىنە اينالۋى كەرەك.
«سوندىقتان ءبىز وتە قىسقا (ون كۇن) مەرزىمدە ينۆەستورلارمەن بىرىڭعاي ءوزارا ءىس-قيمىل تەتىگىن قۇرىپ, ينۆەستيتسيا تارتۋ جۇيەسىن تۇبەگەيلى جاڭارتۋىمىز كەرەك. ينۆەستيتسيالار اياسىندا تارتىلعان ءاربىر تەڭگە نورماتيۆتىك اكتىلەرمەن جانە وڭتايلى تاجىريبەمەن بەكىتىلگەن مىقتى كەپىلدىكتەرمەن قورعالۋعا ءتيىس. ۇلتتىق ەكونوميكا مينيسترلىگى سىرتقى ىستەر مينيسترلىگىمەن بىرلەسىپ, ينۆەستيتسيا تارتۋ جۇيەسىن تۇبەگەيلى جاڭارتۋ جونىندەگى ءىس-قيمىل جوسپارىن دايىنداۋعا دەرەۋ كىرىسسىن», دەپ تاپسىردى پرەمەر-مينيستر.
