جاقىندا ۇلىتاۋ وبلىسىندا ۆيتسە-مينيستر ارداق امانگەلديەۆتىڭ باسشىلىعىمەن دەنساۋلىق ساقتاۋ مينيسترلىگىنىڭ ارنايى جۇمىس توبى جۇمىسىن باستادى.
جۇمىس توبىن قۇرۋدىڭ ماقساتى – وڭىردەگى مەديتسينالىق ۇيىمداردىڭ قىزمەتىنە كەشەندى تالداۋ جۇرگىزۋ, وزەكتى ماسەلەلەردى انىقتاۋ جانە تۇرعىندار ءۇشىن مەديتسينالىق كومەكتىڭ ساپاسى مەن قولجەتىمدىلىگىن ارتتىرۋ بويىنشا شارالار ۇسىنۋ.
وبلىس اكتيۆى الدىندا سويلەگەن سوزىندە ا.امانگەلديەۆ: «جەزقازعانعا ەلوردا مەن قاراعاندى مەديتسينا ۋنيۆەرسيتەتتەرىنىڭ وكىلدەرى, سونداي-اق ونكولوگيا, كارديوحيرۋرگيا, نەيروحيرۋرگيا, تراۆماتولوگيا, انا مەن بالا, مەديتسينالىق-سانيتاريالىق العاشقى كومەك سياقتى جەتەكشى رەسپۋبليكالىق عىلىمي ورتالىقتار مەن كلينيكالاردىڭ باسشىلارى جىبەرىلەدى. جەرگىلىكتى ماماندارمەن بىرگە ولار وڭىرلىك دەنساۋلىق ساقتاۋ جۇيەسىن نىعايتۋ بويىنشا ءىس-قيمىل جوسپارىن ازىرلەيدى», دەپ اتاپ ءوتتى
وزەكتى ماسەلەلەردى شەشۋ ءۇشىن مساك, سانيتاريالىق-ەپيدەميولوگيالىق قىزمەت جانە الەۋمەتتىك مەديتسينالىق ساقتاندىرۋ قورى ماماندارىنىڭ قاتىسۋىمەن جەكە ۆەدومستۆوارالىق توپ قۇرىلدى.
بۇل توپ جەرگىلىكتى جەرلەردەگى جاعدايدى جۇيەلى تۇردە زەرتتەپ, بەلگىلەنگەن شارالاردىڭ ىسكە اسىرىلۋىن باقىلاۋدى قامتاماسىز ەتەتىن بولادى.
وڭىرگە كەلگەن كەيىن ۆيتسە-مينيستر 27 مىڭنان استام تۇرعىن تىركەلگەن جاڭاارقا اۋدانىنىڭ ورتالىق اۋداندىق اۋرۋحاناسىنا باردى. ونداعى مەديتسينالىق ۇيىمنىڭ قىزمەتىمەن تانىسىپ, اۋداندىق اكىمدىك وكىلدەرىنىڭ, ءماسليحات دەپۋتاتتارىنىڭ جانە مەديتسينالىق جۇرتشىلىقتىڭ قاتىسۋىمەن كەڭەس وتكىزدى. ودان كەيىن جەزقازعان, ساتباەۆ قالالارىنىڭ, ۇلىتاۋ اۋدانىنىڭ ستاتسيونارلارى مەن ەمحانالارىندا بولدى.
ۆيتسە- مينيستر ا. امانگەلديەۆ باس دارىگەرلەردىڭ كادرلارمەن قامتاماسىز ەتۋ, انا مەن بالا ءولىمىنىڭ كورسەتكىشتەرى, ينفەكتسيالىق اۋرۋلارمەن كۇرەس, مساك جۇمىسى تۋرالى اقپاراتىن تىڭداپ, اۋرۋحانالاردى تەحنيكالىق جاراقتاندىرۋ, سانيتاريالىق كولىكتى جاڭارتۋ, كەلگەن مەديتسينا قىزمەتكەرلەرىن الەۋمەتتىك قولداۋ ماسەلەلەرىن نازارعا الدى.
ۇلىتاۋ وبلىسى
