فوتو: ۇكىمەتتىڭ ءباسپاسوز قىزمەتى
پرەمەر-مينيستر ولجاس بەكتەنوۆتىڭ پىكىرىنشە, پرەزيدەنت جولداۋى ەلدىڭ جەدەل يننوۆاتسيالىق دامۋ قارقىنىن قامتاماسىز ەتىپ, جاڭا سەرپىن بەرەدى.
«مەملەكەت باسشىسىنىڭ «جاساندى ينتەللەكت داۋىرىندەگى قازاقستان: وزەكتى ماسەلەلەر جانە ونى تۇبەگەيلى تسيفرلىق وزگەرىستەر ارقىلى شەشۋ اتتى جولداۋى ەلىمىزدىڭ ودان ءارى جەدەل يننوۆاتسيالىق دامۋىنا زور سەرپىن بەرەدى. قازاقستاننىڭ بولاشاعى – تەحنولوگيالىق ورلەۋمەن بايلانىستى, سوندىقتان پرەزيدەنت ءۇش جىل ىشىندە قازاقستاندى جاپپاي تسيفرلىق مەملەكەتكە اينالدىرۋ تۋرالى ستراتەگيالىق مىندەت قويدى», – دەدى ۇكىمەت باسشىسى.
ونىڭ ايتۋىنشا, كەڭ كولەمدە تسيفرلاندىرۋدى ەنگىزۋ جانە جاساندى ينتەللەكت مۇمكىندىكتەرىن پايدالانۋ مەملەكەتتىك باسقارۋدى جاڭا دەڭگەيگە كوتەرىپ, زاماناۋي تەحنولوگيالىق جۇيەنى قالىپتاستىرۋعا جول اشادى.
«پرەزيدەنت اتاپ وتكەندەي, مەملەكەتتىك باسقارۋ جۇيەسىندەگى تسيفرلىق ءتاسىل «ونىڭ ازاماتتار مۇددەسىنە ساي بولۋىن قامتاماسىز ەتىپ, اشىقتىعى مەن تيىمدىلىگىن ەسەلەپ ارتتىرادى». جاپپاي تسيفرلاندىرۋ ارتاراپتاندىرۋمەن قاتار, بۇكىل وتاندىق ەكونوميكانى كەشەندى تۇردە جاڭعىرتۋعا جانە قازاقستاندى جاھاندىق ارەنادا باسەكەگە قابىلەتتى ەل رەتىندە دامىتۋعا ىقپال ەتەدى. ۇكىمەت جولداۋدا ايتىلعان مىندەتتەردى جەدەل ورىنداۋعا بار كۇش-جىگەرىن جۇمىلدىرادى», دەپ قورىتىندىلادى پرەمەر-مينيستر.
