فوتو: اشىق دەرەككوز
«مەن بۇعان دەيىن اۋە جۇك تاسىمالى كولەمىن ەكى ەسە ارتتىرۋدى تاپسىرعانمىن. مۇنى ەڭ الدىمەن ءىرى شەتەلدىك سەرىكتەستەردى تارتا وتىرىپ, ۇلتتىق جۇك تاسىمالداۋشىنى قۇرۋ ارقىلى جۇزەگە اسىرۋعا بولادى. ەلەكتروندى كوممەرتسيانىڭ دامۋى مەن جوعارى تەحنولوگيالىق ونىمدەردىڭ جەتكىزىلىمى جاعدايىندا اۋە كارگو – جوعارى تابىستى ءارى اسا قاجەت سەگمەنت», دەدى توقاەۆ.
مەملەكەت باسشىسى حالىقارالىق لوگيستيكالىق تىزبەكتەرگە كىرىگە وتىرىپ, ەلىمىزدە اۋە حابىن بەلسەندى دامىتۋ قاجەتتىگىن ايتتى. سونىمەن قاتار بۇل سالاداعى تاسىمالدار مەن ەكسپورتتى رەتتەۋ ىسىندە ءتارتىپ ورناتۋدى, تۇتىنۋشىلاردىڭ مۇددەسىن قورعاۋدى تالاپ ەتتى.
الەمدە جۇك جەتكىزۋدىڭ زاماناۋي تۇرلەرى – ارنايى دروندار, جۇرگىزۋشىسىز كولىكتەر دامىپ كەلە جاتقانىن تىلگە تيەك ەتكەن پرەزيدەنت ۇكىمەتكە مۇنداي تەحنولوگيالاردى جەدەل ەنگىزۋگە جاعداي جاساۋدى تاپسىردى.
«ەلىمىز ەۋرازياداعى اۋە لوگيستيكاسىنىڭ باستى تورابىنا اينالۋى ءتيىس. بۇل – ستراتەگيالىق مىندەت. وسى ىسكە ۇزدىك ماماندار مەن كاسىپكەرلەردى تارتۋ قاجەت. نەگىزگى جاۋاپكەرشىلىك ۇكىمەتكە جۇكتەلەدى. تاپسىرمالاردىڭ ورىندالۋ بارىسىن ۇكىمەتتىڭ جىلدىق ەسەبىنەن كەيىن ارنايى جينالىستا قارايمىز», دەدى قاسىم-جومارت توقاەۆ.
