ق.توقاەۆ بۇل باعىتتا كەيىنگى 5 جىلدا ناتيجەلى جۇمىستار اتقارىلىپ جاتقانىنىن اتاپ ءوتىپ, وڭ باعا بەردى.
«وڭدەۋ ونەركاسىبىنىڭ جالپى قوسىمشا قۇنى 2 ەسە ءوسىپ, 17 ترلن تەڭگەگە جۋىقتادى. ونىڭ جالپى ىشكى ونىمدەگى ۇلەسى 12, 4 پايىزعا جەتتى. بىلتىردىڭ وزىندە 163 جاڭا ءوندىرىس ىسكە قوسىلدى. سونىڭ ناتيجەسىندە 12, 5 مىڭ تۇراقتى جۇمىس ورنى اشىلدى. مىسالى, الماتى, قوستاناي, قاراعاندى, اتىراۋ وبلىستارىندا ماشينا جاساۋ جانە مەتاللۋرگيا سالاسىنداعى ءىرى كاسىپورىندار اشىلدى. بيىل الماتىدا ءارتۇرلى اۆتوكولىكتەر شىعاراتىن قازاقستانداعى ەڭ ۇلكەن ءوندىرىس ورنى جۇمىسىن باستادى», دەدى پرەزيدەنت.
مەملەكەت باسشىسى بۇل كورسەتكىشتەر ءالى دە جەتكىلىكسىز ەكەنىنە توقتالىپ, ىشكى, سىرتقى باسەكەگە توتەپ بەرەتىن تەرەڭ وڭدەلگەن ءونىم وندىرۋگە باسىمدىق بەرۋدى تاپسىردى. قازىر وسى سالادا اتقارىلىپ جاتقان جۇمىستاردىڭ جۇيەسىز ەكەنىن جەتكىزدى.
«قولداۋ شاراسىن ۇستانىمدارى مەن تالاپتارى ءارتۇرلى ينستيتۋتتار جۇزەگە اسىرادى. مۇنداي احۋال كاسىپكەرلەردى ابدەن شاتاستىرادى. بۇل شارانى رەتكە كەلتىرىپ, ۇيلەستىرۋ جۇمىسىن تولىعىمەن قولعا الۋ كەرەك», دەدى ق.توقاەۆ.
