كەلىسسوز بارىسىندا اتوم ەنەرگياسىن بەيبىت ماقساتتا پايدالانۋ سالاسىنداعى نەگىزگى ماسەلەلەر – يادرولىق مەديتسينانى دامىتۋ, يادرولىق جانە رادياتسيالىق قاۋىپسىزدىكتى كۇشەيتۋ, زاماناۋي عىلىمي-تەحنيكالىق شەشىمدەردى ەنەرگەتيكاعا, اگروونەركاسىپتىك كەشەنگە, مەديتسينا مەن ونەركاسىپكە ەنگىزۋ تالقىلاندى. اەحا-نىڭ ازىق-ت ۇلىك قاۋىپسىزدىگى ورتالىعىمەن اۋىل شارۋاشىلىعى ءۇشىن يادرولىق تەحنولوگيالاردى قولدانۋ جانە ازىق-ت ۇلىك ساپاسىن ارتتىرۋ سالاسىنداعى ءوزارا ءىس-قيمىلدى كەڭەيتۋ پەرسپەكتيۆالارىنا ەرەكشە نازار اۋدارىلدى.
مامانداردى دايارلاۋعا, تاجىريبە الماسۋعا جانە عىلىمي-زەرتتەۋ ىنتىماقتاستىعىن كەڭەيتۋ ماسەلەسىنە دە نازار اۋدارىلدى.
«اەحا-مەن ىنتىماقتاستىق ءبىز ءۇشىن ەرەكشە ماڭىزعا يە. ءبىز تەحنيكالىق ىنتىماقتاستىق, رەتتەۋ, كادرلار دايارلاۋ جانە حالىقارالىق قاۋىپسىزدىك ستاندارتتارىن ەنگىزۋ سالاسىنداعى قولداۋىڭىزدى جوعارى باعالايمىز. قازاقستان يادرولىق ەنەرگەتيكا مەن عىلىمنان باستاپ يننوۆاتسيالىق تەحنولوگيالار مەن يادرولىق مەديتسيناعا دەيىن بارلىق سالادا ءوزارا ءىس-قيمىلدى ودان ءارى تەرەڭدەتۋگە دايىن», دەدى اگەنتتىك توراعاسى.
اەحا وكىلدەرى كونسۋلتاتسيالىق جانە ادىستەمەلىك كومەك كورسەتۋدى قوسا العاندا, ساراپتامالىق جانە پراكتيكالىق قولداۋ كورسەتۋگە دايىن ەكەندەرىن راستادى.
كەزدەسۋ قورىتىندىسى بويىنشا تاراپتار ىنتىماقتاستىقتىڭ ستراتەگيالىق سيپاتىن اتاپ ءوتىپ, تۇراقتى جانە قاۋىپسىز بولاشاق مۇددەسىندە بىرلەسكەن باستامالاردى دامىتۋ ءۇشىن تۇراقتى ديالوگتى جالعاستىرۋعا دايىن ەكەندەرىن ءبىلدىردى.
