اتموسفەرالىق فرونتالدى بولىنىستەردىڭ وتۋىنە بايلانىستى ەلىمىزدىڭ باسىم بولىگىندە تۇراقسىز اۋا رايى كۇتىلەدى, سونىمەن قاتار نايزاعايمەن جاڭبىر جاۋادى. 4–5 قىركۇيەكتە ەلىمىزدىڭ باتىسىندا, 5–6 قىركۇيەكتە سولتۇستىك-باتىسىندا بۇرشاقپەن جانە ەكپىندى جەل مەن قاتتى جاڭبىر بولجانادى.
وڭتۇستىك, وڭتۇستىك-شىعىس, ورتالىق ايماقتاردا, سونداي-اق 05–06 قىركۇيەكتە شىعىستا انتيتسيكلوننىڭ اسەرىنەن جاۋىن-شاشىنسىز اشىق اۋا رايى كۇتىلەدى. رەسپۋبليكا بويىنشا جەل كۇشەيەدى, ال سولتۇستىك وڭىرلەردە تۇنگى جانە تاڭعى ۋاقىتتاردا تۇمان تۇسەدى.
شىعىستا, 05 قىركۇيەكتە سولتۇستىك-شىعىستا, 4–5 قىركۇيەكتە ورتالىقتا تۇنگى ۋاقىتتا اۋا تەمپەراتۋراسى 2–10 جىلى شاماسىندا بولىپ, توپىراق بەتىندە 2 گرادۋسقا دەيىن ۇسىك ءجۇرۋى ىقتيمال.
كۇندىزگى تەمپەراتۋرا:
- باتىس ايماقتاردا 18–33 گرادۋستان 15–27 گرادۋسقا دەيىن تومەندەيدى;
- سولتۇستىك وبلىستاردا 17–28 گرادۋستان 25–30 گرادۋسقا دەيىن كوتەرىلەدى;
- ورتالىقتا 20–32 گرادۋستان 25–35 گرادۋسقا دەيىن جىلى بولادى;
- شىعىستا 12–25 گرادۋس جىلى كۇتىلەدى;
- وڭتۇستىكتە 30–35 گرادۋستان 33–38 گرادۋسقا دەيىن اۋىتقيدى;
- وڭتۇستىك-شىعىستا 22–30 گرادۋستان 28–33 گرادۋسقا دەيىن جوعارىلايدى;
- تاۋلى ايماقتاردا 12–17 گرادۋستان 18–23 گرادۋسقا دەيىن جىلى بولادى.
