فوتو: استانا قالاسىنىڭ اكىمدىگى
قالا اكىمدىگىنىڭ حابارلاۋىنشا, جاڭا كەستە ەڭ الدىمەن قالا ورتالىعىندا ورنالاسقان مەملەكەتتىك جانە جارتىلاي مەملەكەتتىك مەكەمەلەرگە قاتىستى بولماق
جاڭا تارتىپكە سايكەس, 15 قىركۇيەكتەن باستاپ: •
- قالالىق كوممۋنالدىق قىزمەتتەردىڭ جۇمىس كۇنى تاڭعى 7:30-دا باستالادى;
- استانا اكىمدىگىنىڭ قىزمەتى 7:30-دا باستالادى;
- كەيبىر مەملەكەتتىك ورگاندار مەن جارتىلاي مەملەكەتتىك كومپانيالار جۇمىس كۇنىن 7:30 بەن 8:00 ارالىعىندا باستايدى.
سايكەسىنشە جۇمىس كۇنىنىڭ اياقتالۋ ۋاقىتى دا وزگەرتىلەدى.
ال جەكە سەكتور, بيزنەس, مەكتەپتەر, بالاباقشالار, اۋرۋحانالار, ەمحانالار, حالىققا قىزمەت كورسەتۋ ورتالىقتارى جانە وزگە دە الەۋمەتتىك نىسانداردىڭ جۇمىس كەستەسى وزگەرىسسىز قالادى.
ايتا كەتەيىك, استاناداعى كەيبىر مينيسترلىكتەر مەن مەملەكەتتىك ورگانداردىڭ جۇمىس كۇنى بۇرىننان ساعات 8:00-دە باستالادى.
اكىمدىكتىڭ مالىمەتىنشە, بۇل شارا نەگىزگى ماگيسترالدارداعى كولىك اعىنىن رەتتەۋگە كومەكتەسەدى. سونىمەن قاتار, تۇراق ەرەجەلەرىن بۇزاتىن اۆتوكولىكتەرگە قاتاڭ شارا قولدانىلىپ, قۇقىقبۇزۋشىلاردىڭ كولىكتەرى ايىپ تۇراعىنا ەۆاكۋاتسيالاناتىن بولادى.
قوعامدىق كولىكتى دامىتۋ باعىتىندا دا جۇمىستار جالعاسىپ جاتىر. جاڭا جىلدام باعىتتار مەن مارشرۋتتار اشىلۋدا, جاڭا اۆتوبۋستار شىعارىلۋدا, جولداردى سالۋ جانە جوندەۋ جۇمىستارى جۇرگىزىلەدى. اكىمدىك بۇل شارالار كەشەندى تۇردە تاڭەرتەڭگى جانە كەشكى ۋاقىتتا جولدارداعى كەپتەلىستى ازايتۋعا مۇمكىندىك بەرەتىنىن اتاپ ءوتتى.
