فوتو: اشىق دەرەككوز
دەنساۋلىق ساقتاۋ ءمينيسترى ۋەس ستريتينگتىڭ سوزىنشە, ەنەرگەتيكالىق سۋسىندار زيانسىز كورىنگەنىمەن, شىن مانىندە ولار جاسوسپىرىمدەردىڭ ۇيقىسىنا, نازارىن شوعىرلاندىرۋىنا جانە جالپى قابىلەتىنە كەرى اسەر ەتەدى. سونداي-اق سۋسىندارداعى قانتتىڭ جوعارى مولشەرى سەمىزدىككە سەبەپ بولادى.
زەرتتەۋ دەرەكتەرى بويىنشا, كۇنىنە شامامەن 100 مىڭ بالا كەم دەگەندە ءبىر ەنەرگەتيكالىق سۋسىن ىشەدى. مۇنىڭ سالدارى ولاردىڭ پسيحيكالىق دەنساۋلىعى مەن وقۋ ۇلگەرىمىنە دە كەرى ىقپالىن تيگىزىپ وتىر.
ءبىلىم ءمينيسترى بريدجيت فيلليپسون بۇل باستامانى «تاريحتاعى ەڭ دەنى ساۋ بالالار ۇرپاعىن قالىپتاستىرۋعا جاسالعان كەزەكتى قادام» دەپ باعالادى.
مۇعالىمدەر مەن اتا-انالاردىڭ قولداۋىنا يە تىيىم سالۋ شاراسى 40 مىڭنان استام بالانىڭ سەمىزدىككە شالدىعۋىنىڭ الدىن الىپ, بولاشاقتا دەنساۋلىققا بايلانىستى اۋرۋلاردى ازايتۋ ارقىلى ەل قازىناسىنا ونداعان ميلليون فۋنت ستەرلينگ ۇنەمدەۋگە مۇمكىندىك بەرەدى.
