فوتو: ۇكىمەتتىڭ ءباسپاسوز قىزمەتى
بۇل كەزدەسۋ قازاقستان پرەزيدەنتى قاسىم-جومارت توقاەۆتىڭ ۇيىم توراعاسى ەلجبەتا فرانكوۆ-ياسكەۆيچپەن وتكەن كەلىسسوزدەرىندە بەلگىلەنگەن باعىتتاردى جالعاستىرۋ اياسىندا ءوتتى.
تاراپتار اكتيۆتەردى قايتارۋ جانە قارجىلىق بارلاۋ تيىمدىلىگىن ارتتىرۋ ماسەلەلەرىن قاراستىرىپ, كىرىستەردى زاڭسىز شىعارۋعا جانە تەرروريزمدى قارجىلاندىرۋعا قارسى كۇرەستەگى بىرلەسكەن ءىس-قيمىل تەتىكتەرىن تالقىلادى.
جەروم بومون ەلىمىزدە قولعا الىنعان رەفورمالاردى وڭ باعالاپ, سەرىكتەستىكتى ودان ءارى دامىتۋعا ءازىر ەكەنىن جەتكىزدى.
ءوز كەزەگىندە, پرەمەر-مينيستر ولجاس بەكتەنوۆ «ەگمونت» توبىنىڭ قارجىلىق قاۋىپسىزدىك سالاسىنداعى جەتەكشى حالىقارالىق الاڭ رەتىندەگى ءرولىن اتاپ ءوتىپ, قازاقستاننىڭ كىرىستەردى زاڭسىز شىعارۋعا جانە تەرروريزمدى قارجىلاندىرۋعا قارسى كۇرەسكە باعىتتالعان حالىقارالىق ستاندارتتاردى بەرىك ۇستاناتىنىن ايتتى.
كەزدەسۋ سوڭىندا تاراپتار جاھاندىق قارجىلىق تۇراقتىلىقتى قامتاماسىز ەتۋ جولىندا ءوزارا ءىس-قيمىلدى نىعايتۋدىڭ ماڭىزدىلىعىن ەرەكشە اتاپ ءوتتى.
