فوتو: اشىق دەرەككوز
اۋىل شارۋاشىلىعى ازىق-ت ۇلىك قاۋىپسىزدىگىنىڭ, حالىقتى جۇمىسپەن قامتۋدىڭ جانە ەكسپورتتىق الەۋەتتى ارتتىرۋدىڭ باستى تەتىگى رەتىندە قاراستىرىلادى. ۇكىمەت مەملەكەت باسشىسىنىڭ تاپسىرمالارى اياسىندا سالانى تەحنولوگيالىق تۇرعىدان جاڭعىرتۋ, قايتا وڭدەۋدى كەڭەيتۋ جانە حالىقارالىق ارىپتەستىكتى دامىتۋ باعىتىندا جۇيەلى جۇمىستاردى جالعاستىرىپ كەلەدى.
اگروونەركاسىپ كەشەنى سالاسىندا تۇراقتى دامۋ بايقالادى. بۇل مەملەكەتتىك قولداۋدىڭ تيىمدىلىگىن جانە پرەزيدەنت باستامالارىنىڭ ىسكە اسىرىلىپ جاتقانىن كورسەتەدى. 2025 جىلدىڭ قاڭتار–شىلدە ايلارىندا اۋىل شارۋاشىلىعىنىڭ جالپى ءونىم كولەمى 3,7%-عا ارتىپ, 2,4 ترلن تەڭگەگە جەتىپ, نەگىزگى ءوسىم مال جانە ەگىن شارۋاشىلىعىنىڭ وركەندەۋىنەن قامتاماسىز ەتىلگەن.
قايتا وڭدەۋ سالاسى سەرپىندى دامۋ ۇستىندە. ازىق-ت ۇلىك ءوندىرىسى 9,2%-عا ءوسىپ, 2,13 ترلن تەڭگەنى قۇراعان. ال سۋسىندار ءوندىرىسى 6,8%-عا (692,4 ملرد تەڭگە) ۇلعايعان. وسىمدىك مايى (+24%), سارى ماي (+10,4%), شۇجىق (+9%) جانە ۇن ءوندىرىسى (+6,6%) ەلەۋلى ءوسىم كورسەتكەن.
سالاعا ينۆەستيتسيا كولەمى دە ارتقان: اۋىل شارۋاشىلىعىنىڭ نەگىزگى كاپيتالىنا 442,7 ملرد تەڭگە (+26,5%) باعىتتالسا, ازىق-ت ۇلىك وندىرىسىنە 104,2 ملرد تەڭگە (+48%) سالىندى. بۇل قاراجات زاماناۋي تەحنولوگيا ەنگىزۋگە جانە ءوندىرىستى جاڭعىرتۋعا جۇمسالىپ وتىر.
اۋىل شارۋاشىلىعى ءمينيسترى ايداربەك ساپاروۆ اتاپ وتكەندەي, پرەزيدەنت جولداۋدا سۋبسيديادان قولجەتىمدى نەسيەلەۋگە كوشۋ جانە بانكتەر قاراجاتىن تارتۋ قاجەتتىگىن باسا ايتتى.
«مەملەكەت باسشىسى ءوزىنىڭ حالىققا جولداۋىندا تىكەلەي سۋبسيديالاۋدان قولجەتىمدى نەسيەلەۋگە كوشۋدىڭ جانە كوممەرتسيالىق بانكتەردىڭ قاراجاتىن تارتۋدىڭ ماڭىزىن اتاپ ءوتتى. وسىنىڭ ناتيجەسىندە 2024 جىلدان باستاپ جىلدىق ستاۆكاسى 5%-دان اسپايتىن جەڭىلدەتىلگەن نەسيە بەرۋ باعدارلاماسى ىسكە قوسىلدى. بۇل بيۋدجەت پەن جەكە قاراجات كوزدەرىنىڭ رەسۋرستارىن بىرىكتىرۋ ارقىلى مۇمكىن بولدى», دەدى قر اۋىل شارۋاشىلىعى ءمينيسترى ايداربەك ساپاروۆ.
ايتا كەتەيىك, مەملەكەتتىك قولداۋ كولەمى دە ۇلعايعان. 2025 جىلى كوكتەمگى ەگىس پەن وراق ناۋقانىنا جەڭىلدەتىلگەن نەسيە كولەمى 700 ملرد تەڭگەگە جەتتى (2014 جىلى – نەبارى 70 ملرد تەڭگە). الداعى جىلدارى قارجىلاندىرۋ 1 ترلن تەڭگەگە جەتكىزىلمەك. ەگىس ناۋقانىنا قارجى 2024 جىلدىڭ قاراشاسىنان باستاپ ءبولىنىپ, شارۋالارعا الدىن الا دايىندالۋعا مۇمكىندىك بەرىلدى.
سونىمەن قاتار, اۋىل شارۋاشىلىعى تەحنيكاسىن جىلدىق 5% مولشەرلەمەمەن جەڭىلدەتىلگەن ليزينگكە بەرۋ باعدارلاماسى جۇزەگە اسىرىلىپ جاتىر. ول جالپى قۇنى 250 ملرد تەڭگە بولاتىن 6 مىڭنان استام تەحنيكانى ساتىپ الۋعا جول اشادى. بۇدان بولەك, قايتا وڭدەۋشىلەر ءۇشىن اينالىم قاراجاتىن قولداۋعا 44 ملرد تەڭگە ءبولىندى.
جالپى تەتىكتەردەن بولەك, قوسىمشا باعدارلامالار دا ىسكە اسىپ جاتىر. «اۋىل اماناتى» جوباسى كووپەراتيۆتەرگە جانە ءونىمدى قايتا وڭدەۋشىلەرگە 5 جىلعا دەيىنگى مەرزىمگە 2,5% نەسيە ۇسىنادى. «كەڭ دالا» باعدارلاماسى اۋىل شارۋاشىلىعى وندىرۋشىلەرىن جانە قايتا وڭدەۋشىلەردى 5% مولشەرلەمەمەن قارجىلاندىرادى. ال «اگروبيزنەس» باعدارلاماسى بيۋدجەت, ۇلتتىق قور جانە جەكە ينۆەستيتسيالار ەسەبىنەن ءوندىرىستى جاڭعىرتۋعا, قۇرىلىس سالۋعا جانە اينالىم قاراجاتىن تولىقتىرۋعا مۇمكىندىك بەرەدى.
