بۇگىندە ەلىمىز بويىنشا 19 مىڭ كامەراعا جاساندى زيات ورناتىلدى, دەپ مالىمدەدى ىشكى ىستەر ءمينيسترى ەرجان سادەنوۆ.
«اتالمىش كامەرالار جولدا ءجۇرۋ ءتارتىبىن باقىلاپ, كولىك تىزگىنىندە وتىرعان ادامدى تانىپ, كۇدىكتى زاتتاردى انىقتاۋعا ارنالعان. بۇل جۇيەل جەدەل باسقارۋ ورتالىعىمەن بىرىككەن جوبا, وسى ارقىلى پوليتسيا وقيعا ورنىنا دەر كەزىندە جەتىپ, شارا قولدانۋعا كومەكتەسەدى», دەدى مينيستر.
قۇقىق قورعاۋ ورگاندارىنىڭ قىزمەتكەرلەرى زاماناۋي پلانشەتتەر مەن سمارت-جەتوندارمەن قامتاماسىز ەتىلىپ جاتىر, بۇل ولاردىڭ جەدەل ءارى ءتيىمدى جۇمىس كولەمىن ارتتىرادى. ازاماتتار ءۇشىن «102» ءموبيلدى قوسىمشاسى جانە eGovMobile مەن ەكىنشى دەڭگەيلى بانكتەردىڭ قوسىمشالارى ارقىلى قولجەتىمدى «زاڭ جانە ءتارتىپ» سەرۆيسى ىسكە قوسىلدى. ەندى قۇقىقبۇزۋشىلىق تۋرالى حابارلاۋ ءۇشىن ءبىر عانا باتىرمانى باسۋ جەتكىلىكتى, وسىلايشا پوليتسيامەن تىكەلەي بايلانىسىپ, پروبلەمانى شەشۋگە بولادى.
«ايتا كەتەلىك, تسيفرلاندىرۋدىڭ ارقاسىندا الاياقتاردىڭ 2,2 ملرد تەڭگەنى زاڭسىز جىمقىرعانى بەلگىلى بولدى. سونداي-اق ەلدە حالىقتىڭ قۇقىقتىق جانە قارجىلىق ساۋاتى ارتىپ كەلەدى», دەدى مينيستر.
