2025 جىلى كومپانيامىز اقمولا, قاراعاندى, جامبىل جانە پاۆلودار وبلىستارىنداعى سەگىز ەلدى مەكەنىندەگى بالالارعا 552 تولىق جابدىقتالعان مەكتەپ سومكەسىن تابىستادى. بۇل سياپات كوپبالالى جانە الەۋمەتتىك وسال وتباسىلاردان شىققان بالالارعا بەرىلدى. ءار سومكەگە جاڭا وقۋ جىلىندا ءبىلىم الۋعا قاجەتتى وقۋ قۇرالدارىنىڭ تولىق جيىنتىعى سالىندى.
كوپ بالالى وتباسىلار ءۇشىن مەكتەپكە دايىندىق وڭاي شارۋا بولماعاندىقتان «التىنالماس» كومپانياسىنىڭ بەرگەن مەكتەپ جيىنتىقتارى ەلەۋلى قولداۋ بولدى. سىيلىق العان بالالار وقۋ جيىنتىعىنداعى جاڭا قالامساۋىتتارىن, داپتەرلەرىن, بوياۋلارىن, باسقا دا قۇرال-سايماندارىن قۋانا قابىلدادى. بالدىرعانداردىڭ كوبىنە بۇل مەكتەپكە العاش اپاراتىن جاڭا سومكەلەرى بولدى.
«كەيدە مەكتەپ زاتتارىن الامىن با الدە ماۋسىمدىق كيىم الامىن با دەپ سەرگەلدەڭگە تۇسەمىز, سوندايدا مۇنداي سىيلىق بىزگە الىپ كومەك. بالالارىمىز 1-قىركۇيەكتى اسىعا كۇتىپ ءجۇر, ولار مەكتەپكە جاڭا, ادەمى جانە قاجەتتىنىڭ ءبارى سالىنعان سومكەمەن بارامىز دەپ ارمانداپ ءجۇر. التىنالماستىڭ وسىنداي قامقورلىعىنا العىسىمىز شەكسىز», - دەيدى اۋىل تۇرعىندارىنىڭ ءبىرى.
«مەكتەپكە جول» ناۋقانى – جاي قايىرىمدىلىق شارا ەمەس, ونىڭ شاعىن اۋىلدار ءۇشىن ماڭىزى زور. ويتكەنى كوپ بالا تاربيەلەپ وتىرعان ءار جانۇيا جاڭا وقۋ جىلىنا دايىندىقتىڭ قالتانى قانشالىقتى جۇقارتاتىنىن بارىنەن ارتىق سەزەدى. ورتادەرەسىن اۋىلىنىڭ تۇرعىندارى مۇنداي راقىمشىلىققا وزدەرىنىڭ ەرەكشە ريزاشىلىقتارىن ءبىلدىردى.
«شاعىن ەلدى مەكەندەردە مۇنداي قولداۋ ەرەكشە سەزىلەدى. تۇرعىندار ۇمىت قالماي, بالالار دا قولداۋ كورەدى. بيزنەستەگى الەۋمەتتىك جاۋاپكەرشىلىكتىڭ ۇلگىسى دەگەنىمىز وسى», - دەپ ورتادەرەسىن اۋىلدىق وكرۋگىنىڭ اكىمى سەيىتقالي كركرۋوۆ اتاپ ءوتتى.
كومپانيا «مەكتەپكە جول» ناۋقانىن جىلدان جىلعا قولداپ كەلەدى. ناۋقان باسىنان التىنالماس قىزمەت ەتەتىن ايماقتارداعى جۇزدەگەن بالاعا قول ءۇشىن بەردى. ول ءۇشىن ءار بالانىڭ ءبىلىم الۋعا مۇمكىندىگى تەڭ بولۋى وتە ماڭىزدى, ويتكەنى ءبىلىم – بولاشاققا جول اشاتىن ەسىك.
«بالانىڭ وقۋعا قاجەتتى نارسەسىنىڭ ءبارى بولسا, ول ءوزىن سەنىمدى سەزىنەدى. بىزدەر, پەداگوگتار ءۇشىن بۇل وتە ماڭىزدى, سەبەبى قاجەتتىلىگى تولىق قامتىلعان بالا وقۋعا دا قىزىعا قاتىسادى. كومپانيانىڭ التىنالماستىڭ مۇنداي تاماشا قولداۋى قارقىندى وزگەرىپ جاتقان زامان كەزىندە وتە ورىندى», - دەپ اقسۋ كەنتىندەگى № 2 جالپى ءبىلىم بەرۋ مەكتەبىنىڭ ديرەكتورى روزا كرىلاتايا اتاپ ءوتتى.
«التىنالماس اك» اق وتباسىلاردى قولداۋ كورسەتىپ, وڭىرلەردى دامىتۋعا باعىتتالعان ءوزىنىڭ شارالارىن جالعاستىرادى. ءبىلىم بەرۋ, مەكتەپكە دەيىنگى تاربيە, دەنساۋلىق ساقتاۋ سالالارىندا الەۋمەتتىك جوبالار توقتامسىز جۇزەگە اسىرىلىپ جاتىر, كەنتتەردىڭ ينفراقۇرىلىمىن دامىتۋعا ەرەكشە كوڭىل بولىنۋدە. كومپانيا ءۇشىن بۇل شارالار كورپوراتيۆتىك الەۋمەتتىك جاۋاپكەرشىلىكتىڭ بولىگى بولىپ قويماي, سونىمەن قاتار – قازاقستاننىڭ كەلەشەك ۇرپاعىنا دەگەن شىنايى قامقورلىقتىڭ كورىنىسى.
